കേരള മുഖ്യമന്ത്രി പ്രതിസന്ധി നീളുന്നതിനിടെ ചര്ച്ചയ്ക്കായി കോണ്ഗ്രസ് അധ്യക്ഷന് മല്ലികാര്ജുന് ഖര്ഗെയും ലോക്സഭാ പ്രതിപക്ഷ നേതാവ് രാഹുല് ഗാന്ധിയുമായുള്ള കൂടിക്കാഴ്ച അല്പ്പസമയത്തിനകം നടക്കും. ഇന്ന് വൈകിട്ട് 5.30നാണ് നിര്ണായക കൂടിക്കാഴ്ച. മുഖ്യമന്ത്രിയെ ഇന്ന് തന്നെ പ്രഖ്യാപിക്കുമെന്നാണ് വിവരം.
കോണ്ഗ്രസിൻ്റെ മുഖ്യമന്ത്രി ചര്ച്ചയുടെ ഭാഗമായി കഴിഞ്ഞ ദിവസം മുന് കെപിസിസി അധ്യക്ഷന്മാരെ ഡല്ഹിയിലേക്ക് വിളിപ്പിച്ചിരുന്നു. കെ സുധാകരന്, കെ മുരളീധരന്, മുല്ലപ്പള്ളി രാമചന്ദ്രന്, എം എം ഹസ്സന് എന്നിവരെയാണ് വിളിപ്പിച്ചത്. കെപിസിസി വര്ക്കിങ് പ്രസിഡന്റുമാരായ ഷാഫി പറമ്പില്, പി സി വിഷ്ണുനാഥ്, എ പി അനില്കുമാര് എന്നിവരെയും ഡല്ഹിയിലേക്ക് വിളിപ്പിച്ചിരുന്നു. കേരളത്തിൻ്റെ ചുമതലയുള്ള ദീപാദാസ് മുന്ഷി കേരളത്തിലേക്ക് തിരിച്ചു. ഇന്ന് വൈകിട്ട് 6.55ന് ദീപാദാസ് മുന്ഷി തിരുവനന്തപുരത്ത് എത്തും.
