കോഴിക്കോട് പ്ലസ് വൺ വിദ്യാർത്ഥിയും സഹപാഠിയും തമ്മിലുണ്ടായ ആക്രമണത്തിൽ കഴുത്തിന് കുത്തേറ്റു

കോഴിക്കോട് ഫറോക്കിൽ പ്ലസ് വൺ വിദ്യാർത്ഥിയെ മറ്റൊരു വിദ്യാർത്ഥി കുത്തിപ്പരിക്കേൽപ്പിച്ചു. മണ്ണൂർ പദ്മരാജ സ്‌കൂളിന് സമീപത്ത് വെച്ച് അതേ സ്‌കൂളിലുള്ള മറ്റൊരു വിദ്യാർത്ഥിയാണ് ആക്രമണം നടത്തിയത്. കഴുത്തിന് കുത്തേറ്റ വിദ്യാർത്ഥിയെ ഉടൻ തന്നെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. വിദ്യാർത്ഥികൾ തമ്മിലുള്ള വസ്ത്രധാരണവുമായി ബന്ധപ്പെട്ട് തർക്കങ്ങൾ നേരത്തെയുണ്ടായിരുന്നു. ഇത് പറഞ്ഞ് തീർക്കാനാണ് വിദ്യാർത്ഥികൾ എത്തിയത്. ഇതിനിടെ ആക്രമണം ഉണ്ടായെന്നാണ് കരുതുന്നത്. ആക്രമണവുമായി ബന്ധപ്പെട്ട് കുത്തിയ വിദ്യാർത്ഥിയെയും പിതാവിനെയും പൊലീസ് കസ്റ്റഡിയിൽ എടുത്തിട്ടുണ്ട്.