കോഴിക്കോട്ട് ബസും ലോറിയും കൂട്ടിയിടിച്ച് അപകടം

ബസും ട്രൈലർ ലോറിയും കൂട്ടിയിടിച്ച് കോഴിക്കോട് ഓമശ്ശേരി-തിരുവമ്പാടി റോഡിൽ തറോൽ വളവിൽ അപകടം. ഇന്ന് ഉച്ചയ്ക്ക് ഒന്നര മണിയോടെയാണ് സംഭവം. ഒട്ടേറെ പേർക്ക് അപകടത്തിൽ പരിക്കേറ്റു. ഓമശ്ശേരിയിലെ സ്വകാര്യ ആശുപത്രിയിൽ പരിക്കേറ്റ 14 പേരെ പ്രവേശിപ്പിച്ചു. ആരുടെയും പരിക്ക് ഗുരുതരമല്ല.
ബസിൻ്റെയും ലോറിയുടെയും അപകടത്തിൽ മുൻഭാഗം തകർന്നു. അപകടത്തിന് പിന്നാലെ ഓമശ്ശേരി-തിരുവമ്പാടി റോഡിൽ ഏറെനേരം ഗതാഗതം തടസപ്പെട്ടു. തുടർന്ന് ലോറിയും ബസും സ്ഥലത്തു നിന്ന് മാറ്റിയശേഷമാണ് ഗതാഗതം പുനഃസ്ഥാപിച്ചത്.