കേരള സമാജം പ്രത്യേക വാര്ഷിക പൊതുയോഗം ഇന്ദിരാനഗര് കൈരളീ നികേതന് ഓഡിറ്റോറിയത്തില് നടന്നു . കേരള സമാജം പ്രസിഡണ്ട് എം ഹനീഫ് അധ്യക്ഷത വഹിച്ചു. കേരള സമാജത്തിൻ്റെ പ്രവർത്തനങ്ങളെക്കുറിച്ച് കേരള സമാജം ജനറല് സെക്രട്ടറി റജികുമാര് വിശദീകരിച്ചു.
ട്രഷറര് ജോർജ് തോമസ് കഴിഞ്ഞ സാമ്പത്തിക വര്ഷത്തെ കണക്ക് അവതരിപ്പിച്ചു.
കേരള സമാജം വാര്ഷിക പൊതുയോഗം 2025-26 സാമ്പത്തിക വര്ഷത്തേക്ക് 7 കോടിയുടെ ബഡ്ജറ്റ് പാസാക്കി. കാരുണ്യ പ്രവര്ത്തനങ്ങള്ക്ക് ഒരു കോടി 20 ലക്ഷവും മറ്റ് സാമൂഹിക പ്രവർത്തനങ്ങൾക്ക് 1.80കോടി വകയിരുത്തിയിട്ടുണ്ട്. നാലു കോടി രൂപ കേരള ഭവൻ്റെ പ്രാരംഭ പ്രവർത്തനങ്ങൾക്ക് വകയിരുത്തിയിട്ടുണ്ട്.
അടുത്ത ഒരു വർഷം കേരള സമാജം നടത്താൻ പോകുന്ന പരിപാടികളും പദ്ധതികളും കഴിഞ്ഞ മാസം 19ന് നടന്ന ജനറൽ ബോഡി യോഗത്തിൽ അവതരിപ്പിച്ചിരുന്നു.
യോഗത്തിൽ വൈസ് പ്രസിഡണ്ട് സുധീഷ് പി കെ, ജോയിന്റ് സെക്രട്ടറി അനിൽ കുമാർ ഒ കെ, കൾച്ചറൽ സെക്രട്ടറി മുരളീധരൻ വി, അസിസ്റ്റന്റ് സെക്രട്ടറി വിനു ജി എന്നിവർ സംബന്ധിച്ചു.
