ചോറ്റാനിക്കരയിൽ അതിക്രൂരമായ ആക്രമണത്തിന് ഇരയായ പോക്സോ അതിജീവിതയുടെ സംസ്കാരം ഇന്ന്
ചോഃറ്റാനിക്കരയിൽ ആൺ സുഹൃത്തിൻ്റെ അതിക്രൂരമായ ആക്രമണത്തിന് ഇരയായി കൊല്ലപ്പെട്ട പോക്സോ അതിജീവിതയുടെ സംസ്കാരം ഇന്ന്. വീട്ടിൽ പൊതുദർശനത്തിന് വെച്ച ശേഷം തൃപ്പുണിത്തുറ നടമേൽ മാർത്ത മറിയം പള്ളിയിൽ സംസ്കാരം നടക്കും. കൊച്ചിയിലെ സ്വകാര്യ ആശുപത്രിയിൽ ഇൻക്വസ്റ്റ് നടപടികൾ പൂർത്തിയാക്കിയ മൃതദേഹം കളമശേരി മെഡിക്കൽ കോളജിലേക്ക് എത്തിക്കും. പോസ്റ്റ്‌മോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടുനൽകും. കൊച്ചിയിലെ സ്വകാര്യ ആശുപത്രിയിൽ കഴിഞ്ഞ ആറുദിവസം വെൻ്റിലേറ്ററിൽ കഴിഞ്ഞതിനു ശേഷമാണ് പെൺകുട്ടിയുടെ മരണം സംഭവിച്ചത്. തലയ്ക്കുള്ളിലും
യുഎസിൽ വീണ്ടും വിമാനാപകടം ; ഫിലാഡൽഫിയയിൽ ചെറുവിമാനം തകർന്നുവീണു
യുഎസിലെ ഫിലാഡൽഫിയയിൽ വിമാനം അപകടത്തിൽപ്പെട്ടു. വടക്കുകിഴക്കൻ ഫിലാഡൽഫിയയിലെ ഷോപ്പിംഗ് സെൻ്ററിനു സമീപമാണ് അപകടമുണ്ടായത്.ഫിലാഡൽഫിയ വിമാനത്താവളത്തിൽ നിന്നു മിസോറിയിലെ സ്പ്രിംഗ്‌ഫീൽഡ്-ബ്രാൻസനിലേക്കു പോകുകയായിരുന്ന ലിയർജെറ്റ് 55 ചെറുവിമാനമാണ് തകർന്നുവീണത്. റൂസ്‌വെൽറ്റ് മാളിനോട് ചേർന്നുള്ള കെട്ടിടങ്ങൾക്ക് മുകളിലേക്കാണ് വിമാനം വീണത്. സമീപത്തുണ്ടായ വീടുകളും വാഹനങ്ങളും കത്തി നശിച്ചു. ആളപായത്തെപ്പറ്റി വിവരങ്ങൾ പുറത്തുവന്നിട്ടില്ല.വെള്ളിയാഴ്ച്ച വൈകിട്ട് 6 നാണ് സംഭവം. സംഭവത്തെക്കുറിച്ച് അന്വേഷിക്കുമെന്നു ഫെഡറൽ ഏവിയേഷൻ അഡ്‌മിനിസ്ട്രേഷൻ (എഫ്എഎ) അറിയിച്ചിട്ടുണ്ട്.
തുടർച്ചയായി എട്ട് ബജറ്റുകളവതരിപ്പിച്ച് ചരിത്രം കുറിച്ച് നിര്‍മലാ സീതാരാമന്‍
ധനമന്ത്രി നിര്‍മലാ സീതാരാമന്‍ തുടര്‍ച്ചയായി എട്ട് കേന്ദ്ര ബജറ്റുകള്‍ അവതരിപ്പിച്ച് ഇന്ത്യയുടെ ചരിത്രംകുറിച്ചു. 2024 ഫെബ്രുവരിയിലെ ഇടക്കാല ബജറ്റ് ഉള്‍പ്പെടെയുള്ള മുഴുവന്‍ ബജറ്റുകളും അവതരിപ്പിച്ചത് നിര്‍മലയാണ്. ഇന്ത്യയിൽ ഏറ്റവും കൂടുതൽ ബജറ്റുകൾ അവതരിപ്പിച്ചതിൻ്റെ റെക്കോഡ് മൊറാർജി ദേശായി ആയിരുന്നു , 10 ബജറ്റുകൾ ആണ് അദ്ദേഹം അവതരിപ്പിച്ചത്. എന്നാൽ ഇത് തുടർച്ചെ ആയിരുന്നില്ല. 1959-നും 64-നും ഇടയിൽ ധനമന്ത്രിയായിരിക്കേ 6 ബജറ്റുകളും 1967-നും 1969-നും ഇടയിൽ 4 ബജറ്റുകളുമാണ് അദ്ദേഹം
സ്വർണ്ണവില കത്തിക്കയറുന്നു; പവന് 61,960
സംസ്ഥാനത്ത് റിക്കാർഡുകൾ തിരുത്തിക്കുറിച്ച് സ്വർണവില കത്തിക്കയറുന്നു. പവന് 120 രൂപയും ഗ്രാമിന് 15 രൂപയുമാണ് വർധിച്ചത്. ഒരു പവൻ സ്വർണത്തിന് 61,960 രൂപയും ഗ്രാമിന് 7,745 രൂപയിലുമായാണ് വ്യാപാരം നടക്കുന്നത്. അതേസമയം, 18 കാരറ്റ് സ്വർണം ഗ്രാമിന് 10 രൂപ വർധിച്ച് 6,395 രൂപയായിട്ടുണ്ട്. ഇന്നത്തെ വർധനയോടെ 62,000 രൂപയിലേക്ക് വെറും 40 രൂപ മാത്രമാണ്. വ്യാഴാഴ്ച 120 രൂപയും വെള്ളിയാഴ്‌ച 960 രൂപയും ഉയർന്നു. ഇന്നത്തെ വർധനയോടെ ഒരു
ബജറ്റ് അവതരണം തുടങ്ങി; സഭയിൽ പ്രതിപക്ഷ ബഹളം
ധനമന്ത്രി നിർമല സീതാരാമൻ മൂന്നാം മോദി സർക്കാരിൻ്റെ ആദ്യ സമ്പൂർണ ബജറ്റ് ലോക്സഭയിൽ അവതരിക്കുന്നതിനിടെ സഭയിൽ പ്രതിപക്ഷ ബഹളം. കുംഭമേളയെ ചൊല്ലിയാണ് പ്രതിപക്ഷ ബഹളം. നിലവിലെ ആദായ നികുതി സ്ലാബുകളിൽ മാറ്റമുണ്ടായേക്കുമെന്നാണ് സൂചന. നിലവിൽ മൂന്ന് ലക്ഷം രൂപ വരെ വരുമാനമുള്ളവർക്ക് ആദായനികുതി ഇല്ല. എന്നാൽ ഇത്തവണത്തെ ബജറ്റിൽ അത് 5 ലക്ഷമായി ഉയർത്തണമെന്ന ആവശ്യം ശക്തമാണ്. വിലക്കയറ്റം പിടിച്ചു നിർത്താനും സാമ്പത്തിക പ്രതിസന്ധി മറികടക്കാനും നികുതി യിലുമൊക്കെ എന്തൊക്കെ
സോളാർ കേസിൽ സരിത നായരെയും ബിജു രാധാകൃഷ്ണനെയും മണിമോനെയും കോടതി വെറുതെ വിട്ടു
വിവാദമായ സോളാർ കേസിൽ പ്രതികളായ സരിത നായർ, ബിജു രാധാകൃഷ്ണൻ, മണിമോൻ എന്നിവരെയാണ് കൊയിലാണ്ടി മജിസ്ട്രേറ്റ് അജി കൃഷ്‌ണൻ വെറുതെ വിട്ടത്. കോഴിക്കോട് എരഞ്ഞിക്കൽ മൊകവൂർ സ്വദേശിയായ വിൻസൻ്റ് സൈമൺ എന്നയാൾ നൽകിയ കേസിലാണ് കോടതി വിധി. ടീം സോളാർ കമ്പനിയുടെ പാലക്കാട്, തൃശൂർ ജില്ലകളുടെ ഡീലർഷിപ് അനുവദിക്കാമെന്നു പറഞ്ഞ് പരാതിക്കാരനിൽ നിന്ന് 12 ലക്ഷം കൈവശപ്പെടുത്തിയതിനു ശേഷം ഡീലർഷിപ് അനുവദിക്കാതെയും പണം തിരിച്ചുകൊടുക്കാതെയും പണമില്ലാത്ത അക്കൗണ്ടിലെ ചെക്കുകൾ നൽകി
അണ്ടർ 19 ടി20 വനിതാ ലോകകപ്പ്; ഇന്ത്യ ഫൈനലിൽ
അണ്ടർ 19 ടി20 വനിതാ ലോകകപ്പിൽ ഇന്ത്യ ഫൈനലിൽ. തുടർച്ചയായ രണ്ടാം തവണയാണ് ഇന്ത്യ കലാശപ്പോരിന് യോഗ്യത നേടിയത്. സെമി ഫൈനലിൽ നിലവിലെ ചാമ്പ്യന്മാരായ ഇംഗ്ലണ്ടിനെയാണ് പരാജയപ്പെടുത്തിയത് . ഒൻപത് വിക്കറ്റുകൾക്കായിരുന്നു ഇന്ത്യൻ വനിതകളുടെ ജയം. ആദ്യം ബാറ്റുചെയ്ത ഇംഗ്ലണ്ട് നിശ്ചിത ഓവറിൽ എട്ട് വിക്കറ്റ് നഷ്ടത്തിൽ 113 റൺസെടുത്തു. വിജയം തേടിയിറങ്ങിയ ഇന്ത്യ 15 ഓവറിൽ ഒരു വിക്കറ്റ് മാത്രം നഷ്ടത്തിൽ 117 റൺസെടുത്താണ് വിജയവും ഫൈനൽ ബെർത്തും
മുന്നാം മോദി സർക്കാറിൻ്റെ രണ്ടാമത്തെ കേന്ദ്ര ബജറ്റ് ധനമന്ത്രി നിർമല സീതാരാമൻ ഇന്ന് പാർലമെൻ്റിൽ അവതരിപ്പിക്കും
ശനിയാഴ്‌ച കേന്ദ്ര ബജറ്റ് ധനമന്ത്രി നിർമല സീതാരാമൻ പാർലമെൻ്റിൽ അവതരിപ്പിക്കും. മുന്നാം മോദി സർക്കാറിൻ്റെ രണ്ടാമത്തെ ബജറ്റ് അവതരണമാണിത്. ബജറ്റ് സമ്മേളനം രണ്ടു ഘട്ടമായാണ് നടക്കുന്നത്. സംയുക്ത പാർലമെൻ്ററി സമിതി (ജെ.പി.സി) അംഗീകരിച്ച ഇമിഗ്രേഷൻ ആൻഡ് ഫോറിനേഴ്സ് ബിൽ, വഖഫ് ഭേദഗതി ബിൽ എന്നിവയാണ് ബജറ്റ് സമ്മേളനത്തിൽ ചർച്ച ചെയ്യുന്നത്. ഇത് ധനമന്ത്രി നിർമലയുടെ തുടർച്ചയായ എട്ടാം ബജറ്റാണ്. ബജറ്റ് സമ്മേളനത്തിൻ്റെ ആദ്യ ദിവസം ഇടത്തരക്കാരുടെ ക്ഷേമത്തിലൂന്നിയായിരുന്നു രാഷ്ട്രപതി ദ്രൗപദി
‘പാർട്ടിയിലും നേതാക്കളിലുമുള്ള വിശ്വാസം നഷ്ടപെട്ടു’ ; ഡൽഹി തെരഞ്ഞെടുപ്പിന് 5 ദിവസം ബാക്കിനിൽക്കെ എ.എ.പി എം.എൽ.എമാർ രാജിവെച്ചു
ഡൽഹി നിയമസഭ തെരഞ്ഞെടുപ്പ് 5 ദിവസം ബാക്കിനിൽക്കെ, 7 എ.എ.പി എം.എൽ.എമാർ പാർട്ടിയിൽ നിന്ന് രാജിവെച്ചു. രാജിവെച്ച അഞ്ച് എം.എൽ.എമാർക്ക് ഇപ്രാവശ്യം മത്സരിക്കാൻ ടിക്കറ്റ് നൽകിയിരുന്നില്ല. ഇതാണ് രാജിവച്ചു പാർട്ടി വിടാൻ ഇവരെ പ്രേരിപ്പിച്ചതെന്നാണ് സൂചന. “പാർട്ടിയിലും നേതാക്കളിലുമുള്ള വിശ്വാസം നഷ്ടപ്പെട്ടതിനാൽ അംഗത്വം രാജിവെക്കുകയാണ്. ഇത് രാജിക്കത്തായി പരിഗണിക്കണം”-എന്നാണ് ഭാവന കൗർ എ.എ.പിക്ക് നൽകിയ കത്തിൽ പറയുന്നത്. രാജേഷ് ഋഷി, റോഹിത് മെഹ്റോലിയ, നരേഷ് യാദവ്, മദൻ ലാൽ, പവൻ
ഹസ്തദാന വിവാദം; വൈശാലിയോട് നേരിട്ട് ക്ഷമാപണം നടത്തി ഉസ്ബെക്കിസ്താൻ ഗ്രാൻഡ് മാസ്റ്റർ നോദിർബെക്ക് യാകുബ്ബോവ്
നെതർലൻഡ്‌സിലെ വിക് ആൻ സീയിൽ നടന്ന ടാറ്റ സ്റ്റീൽ മാസ്റ്റേഴ്സ് ചെസ് ടൂർണമെൻ്റിനിടെ അമ്മയ്ക്കും സഹോദരൻ പ്രഗ്നാനന്ദയ്ക്കുമൊപ്പമെത്തിയ ഇന്ത്യൻ ഗ്രാൻഡ് മാസ്റ്റർ ആർ. വൈശാലിക്ക് ഹസ്തദാനം നൽകാൻ വിസമ്മതിച്ചതിൽ ക്ഷമാപണം നടത്തി ഉസ്ബെക്കിസ്താൻ ഗ്രാൻഡ് മാസ്റ്റർ നോദിർബെക്ക് യാകുബ്ബോവ്. സംഭവത്തിൻ്റെ ദൃശ്യങ്ങൾ വ്യാപകമായി പ്രചരിക്കുകയും വിവാദമാവുകയും ചെയ്തതിനു പിന്നാലെയാണ് യാകുബ്ബോവ്, വൈശാലിയെ നേരിൽ കണ്ട് ക്ഷമാപണം നടത്തിയത്. വൈശാലിക്ക് യാകുബ്ബോവ് പൂക്കളും ചോക്ലേറ്റും സമ്മാനമായി നൽകുന്ന വീഡിയോ എക്സ്‌സിൽ പങ്കുവെച്ചിട്ടുണ്ട്.