അണ്ടർ 19 ടി20 വനിതാ ലോകകപ്പ്; ഇന്ത്യ ഫൈനലിൽ

അണ്ടർ 19 ടി20 വനിതാ ലോകകപ്പിൽ ഇന്ത്യ ഫൈനലിൽ. തുടർച്ചയായ രണ്ടാം തവണയാണ് ഇന്ത്യ കലാശപ്പോരിന് യോഗ്യത നേടിയത്. സെമി ഫൈനലിൽ നിലവിലെ ചാമ്പ്യന്മാരായ ഇംഗ്ലണ്ടിനെയാണ് പരാജയപ്പെടുത്തിയത് . ഒൻപത് വിക്കറ്റുകൾക്കായിരുന്നു ഇന്ത്യൻ വനിതകളുടെ ജയം. ആദ്യം ബാറ്റുചെയ്ത ഇംഗ്ലണ്ട് നിശ്ചിത ഓവറിൽ എട്ട് വിക്കറ്റ് നഷ്‌ടത്തിൽ 113 റൺസെടുത്തു. വിജയം തേടിയിറങ്ങിയ ഇന്ത്യ 15 ഓവറിൽ ഒരു വിക്കറ്റ് മാത്രം നഷ്ടത്തിൽ 117 റൺസെടുത്താണ് വിജയവും ഫൈനൽ ബെർത്തും ഉറപ്പിച്ചത്.