കേരളത്തിലെ നിയമസഭ തെരഞ്ഞെടുപ്പിനുള്ള കോണ്ഗ്രസ് ആദ്യ സ്ഥാനാര്ത്ഥി പട്ടിക നാളെയും രണ്ടാം പട്ടിക ബുധനാഴ്ചയും പ്രഖ്യാപിക്കും . 32 സ്ഥാനാര്ത്ഥികളെയാണ് നാളെ പ്രഖ്യാപിക്കുന്നത്. കേരളത്തിലെ ദുര്ഭരണം 26 ദിവസത്തിനുള്ളില് അവസാനിക്കുമെന്നും തെരഞ്ഞെടുപ്പ് കമ്മിഷന് സാധാരണയില് നിന്ന് വ്യത്യസ്തമായാണ് തീരുമാനിച്ചതെന്നും എഐസിസി ജനറല് സെക്രട്ടറി കെ സി വേണുഗോപാല് പറഞ്ഞു.
വളരെ കുറച്ച് ദിവസമേ പ്രചാരണത്തിന് ലഭിക്കുന്നുള്ളൂ. ജി സുധാകരനുമായി സംസാരിച്ചിട്ടില്ല. അമ്പലപ്പുഴ സീറ്റില് തീരുമാനമെടുക്കും. കെ സുധാകരനുമായി സംസാരിക്കും. മുസ്ലിം ലീഗുമായി പ്രശ്നമില്ല. സീറ്റ് ധാരണയില് അവസാനവട്ട മിനുക്ക് പണി നടക്കുന്നു. എംപിമാര് മല്സരിക്കുമോ എന്നതിനും ഉത്തരമുണ്ടാകുമെന്നും കെ സി വേണുഗോപാല് പറഞ്ഞു.
