ആശമാരുടെ 80 ദിവസം പിന്നിട്ട സമരയാത്രയുടെ ഫ്ളാഗ് ഓഫ് ഇന്ന്; തൊഴിലാളി ദിനത്തിൽ സമരം കടുപ്പിക്കാനൊരുങ്ങി ആശാമാർ

ആശമാരുടെ 80 ദിവസം പിന്നിട്ട സമരയാത്രയുടെ ഫ്ളാഗ് ഓഫ് ഇന്ന്. തൊഴിലാളി ദിനത്തിൽ സമരം കടുപ്പിക്കാനൊരുങ്ങി ആശാമാർ. രാവിലെ 10 മണിയോടെ ഫ്ളാഗ് ഓഫും ആശാപ്രവർത്തകർ മെയ് ദിന റാലിയും നടത്തി. രാപ്പകൽ യാത്രയുടെ ക്യാപ്റ്റൻ എം എ ബിന്ദുവിന് പ്രമുഖ ഗാന്ധിയൻ ഡോ. എംപി മത്തായി പതാക കൈമാറും. കാസർഗോഡ് നിന്ന് തുടങ്ങി തിരുവനന്തപുരത്ത് അവസാനിക്കുന്ന രാപ്പകൽ സമര യാത്ര മെയ് 5 മുതൽ 17 വരെയാണ്. 42 ദിവസം പിന്നിടുകയാണ് ആശാപ്രവർത്തകർ നടത്തുന്ന റിലേ നിരാഹാരസമരം. പി ലാര്യ, ലേഖ സുരേഷ്, എൻ ശോഭനകുമാരി എന്നിവരാണ് നിരാഹാരമിരിക്കുന്നത്.