സ്വർണക്കൊള്ളയെ ചൊല്ലി നിയമസഭയിൽ ഇന്നും ഭരണ-പ്രതിപക്ഷാംഗങ്ങൾ തമ്മിൽ വാക്പോര്. നിയമസഭയില്‍ നിന്ന് പ്രതിപക്ഷം ഇറങ്ങിപ്പോയി. ഇന്നലത്തെ പ്രതിഷേധത്തെച്ചൊല്ലിയാണ് സഭയില്‍ വാക്പോര് തുടങ്ങിയത്. പ്രതിപക്ഷ നേതാവ് വി.ഡി. സതീശനും മന്ത്രിമാരായ എം.ബി. രാജേഷും, പി. രാജീവും തമ്മിൽ വാക്പോരുണ്ടായി. സോണിയ ഗാന്ധിയേയും പ്രിയങ്ക ഗാന്ധിയേയും മന്ത്രിമാര്‍ ആക്ഷേപിക്കരുതെന്ന് പ്രതിപക്ഷനേതാവ് പറഞ്ഞു.
ബിജെപിയെ പ്രീണിപ്പിക്കാനാണ് ഭരണപക്ഷം സോണിയ ഗാന്ധിയെ അധിക്ഷേപിക്കുന്നതെന്നും പ്രതിപക്ഷ നേതാവ് ആരോപിച്ചു. തുടര്‍ന്ന് പ്രതിപക്ഷം ഇന്നും നടുത്തളത്തില്‍ ഇറങ്ങി. പ്രതിപക്ഷം സ്പീക്കറുടെ മുഖം മറച്ച് ബാനര്‍ ഉയര്‍ത്തി. ബാനര്‍ കെട്ടിയ കമ്പ് കൊണ്ട് അടിച്ചെന്നും അടിച്ചത് ആരെന്ന് ആവശ്യമെങ്കില്‍ പറയാമെന്നും സ്മീക്കര്‍ മറുപടി നല്‍കി.
