നടി അൻസിബ നൽകിയ പരാതിയിൽ കേസെടുത്തതിന് പിന്നാലെ നടൻ ടിനി ടോം മുൻകൂർ ജാമ്യം തേടി. എറണാകുളം സെഷൻസ് കോടതിയിലാണ് അദ്ദേഹം ജാമ്യാപേക്ഷ സമർപ്പിച്ചത്.
അൻസിബയെ ലക്ഷ്യമിട്ട് നടത്തിയതായി ആരോപിക്കപ്പെടുന്ന ജിഹാദി പരാമർശവുമായി ബന്ധപ്പെട്ടാണ് കടവന്ത്ര പൊലീസ് ടിനി ടോമിനെതിരെ കേസ് രജിസ്റ്റർ ചെയ്തത്. കോടതിയുടെ നിർദേശത്തെ തുടർന്നാണ് പൊലീസ് കേസെടുത്ത് അന്വേഷണം ആരംഭിച്ചത്.
സ്ത്രീത്വത്തെ അപമാനിക്കൽ, ലൈംഗിക ചുവയോടെയുള്ള പരാമർശം, മതവികാരം വ്രണപ്പെടുത്തൽ എന്നിവയുൾപ്പെടെയുള്ള വിവിധ വകുപ്പുകൾ പ്രകാരമാണ് ടിനി ടോമിനെതിരെ കേസ് രജിസ്റ്റർ ചെയ്തിരിക്കുന്നത്.
അതേസമയം, കേസിൽ മുൻകൂർ ജാമ്യം അനുവദിക്കണമെന്നാവശ്യപ്പെട്ട് ടിനി ടോം കോടതിയെ സമീപിച്ചിട്ടുണ്ട്. ഹർജിയിൽ കോടതി ഉടൻ വാദം കേൾക്കും.
