ട്രെയിൻ വൈകും; അരൂരിൽ റെയിൽവേ ട്രാക്കിൽ മരം വീണു

അതിശക്തമായ മഴയിലും കാറ്റിലും ആലപ്പുഴ-എറണാകുളം പാതയിൽ ട്രെയിൻ ഗതാഗതം തടസ്സപ്പെട്ടു. അരൂരിൽ ട്രാക്കിൽ മരം വീണതിനെത്തുടർന്നാണ് ട്രെയിൻ ഗതാഗതം തടസ്സപ്പെട്ടത്. തുടർച്ചയായി അഞ്ചാംദിവസമാണ് കേരളത്തിൽ വിവിധയിടങ്ങളിൽ ട്രാക്കിൽ മരം വീണ് ഗതാഗതം സ്തംഭിക്കുന്നത്. ആലപ്പുഴ-കണ്ണൂർ എക്സ്പ്രസ് തുറവൂർ സ്റ്റേഷനിലും ആലപ്പുഴ-ചെന്നൈ എക്സ്പ്രസ് എഴുപുന്ന സ്റ്റേഷനിലും പിടിച്ചിട്ടു. ആലപ്പുഴ വഴിയുള്ള ട്രെയിനുകൾ എറണാകുളം സൗത്ത് റെയിൽവേ സ്റ്റേഷനിലും പിടിച്ചിട്ടു.