കുതിച്ചുയർന്ന് സ്വർണ്ണം; സ്വർണ്ണവിലയിൽ വൻ വർദ്ധന

സംസ്ഥാനത്തു ഒരു ദിവസത്തെ ഇടവേളയ്ക്കു ശേഷം സ്വർണ്ണ വിലയിൽ വൻ വർദ്ധന. പവന് 1760 രൂപയുടെ വർദ്ധനയാണ് ഉണ്ടായത്. ഒരു പവൻ്റെ വില 71,440 രൂപയായി വർദ്ധിച്ചു. ഗ്രാമിന് 220 രൂപയും വർദ്ധിച്ചു. ഗ്രാമിൻ്റെ വില 8930 രൂപയായാണ് വർദ്ധിച്ചത്. ലോക വിപണിയിലും സ്വർണ്ണവില ഉയരുകയാണ്. ഒരാഴ്ചക്കിടയിലെ ഉയർന്ന നിരക്കിലേക്ക് ലോകവിപണിയിൽ സ്വർണ്ണവിലയെത്തി. യു.എസ് ഗോൾഡ് ഫ്യൂച്ചർ നിരക്കുകളും ഉയർന്നു. 0.3 ശതമാനമാണ് ഉയർന്നത്. 3,295.80 ഡോളറായാണ് വില ഉയർന്നത്. ഡോളർ ദുർബലമായതും നികുതി ബില്ലിനെ കുറിച്ചുള്ള യു.എസ് പാർലമെൻ്റിലെ ചർച്ചകളുമാണ് വില ഉയരാനുള്ള കാരണമായത്.