സ്വർണ്ണ വിലയിൽ ഇന്നും വർദ്ധനവ്

സംസ്ഥാനത്ത് സ്വർണ്ണവില വീണ്ടും ഉയർന്നു. സ്വർണ്ണവില കഴിഞ്ഞ ദിവസവും ഉയർന്നിരുന്നു. ഗ്രാമിന് 30 രൂപയുടെ വർദ്ധനയാണ് ഉണ്ടായത്. ഒരു ഗ്രാം സ്വർണ്ണത്തിൻ്റെ വില 9045 രൂപയായാണ് ഉയർന്നത്. പവൻ്റെ വിലയിൽ 240 രൂപയുടെ വർദ്ധനവുണ്ടായി. പവൻ്റെ വില 72360 രൂപയായാണ് കൂടിയത്. സ്വർണ്ണത്തിന് ലോക വിപണിയിലും വില വർദ്ധനവുണ്ടായി. ഒരു ശതമാനം ഉയർച്ചയാണ് സ്വർണ്ണത്തിനുണ്ടായത്. സ്പോട്ട് ഗോൾഡിൻ്റെ വില 1.1 ശതമാനം ഉയർന്ന് ഔൺസിന് 3,340.29 ഡോളറായി ഉയർന്നു. ഈ ആഴ്‌ച സ്വർണ്ണത്തിന് 3.1 ശതമാനം വില വർദ്ധനവുണ്ടായി.