കോട്ടയത്ത് പൊലീസുകാർക്ക് നേരെ ലഹരിസംഘത്തിൻ്റെ ആക്രമണം

കോട്ടയം കടപ്ലാമറ്റം വയലായിൽ പൊലീസ്കാർക്ക് നേരെ ലഹരി സംഘത്തിൻ്റെ ആക്രമണം. സംഭവത്തിൽ 3 പൊലീസുകാർക്ക് പരിക്കേറ്റു. മരങ്ങാട്ടുപിള്ളി പൊലീസ് സ്റ്റേഷനിലെ സിപിഒമാരായ ശ്യംകുമാർ, മഹേഷ്, ശരത് എന്നിവർക്കാണ് പരിക്കേറ്റത്. മരങ്ങാട്ടുപിള്ളി പൊലീസ് ലഹരി സംഘത്തിലെ 6 പേരെ കസ്റ്റഡിയിലെടുത്തു. വയലാ സ്വദേശികളായ ദേവദത്തൻ, കൈലാസ് കുമാർ, അമൽ ലാലു, അർജുൻ ദേവരാജ്, അതുൽ പ്രദീപ്, ജെസിൻ ജോജോ എന്നിവരാണ് പിടിയിലായത്. ഇവർ ലഹരി ഉപയോഗിച്ച ശേഷം ബഹളം വെക്കുന്നു എന്ന വിവരത്തെ തുടർന്നാണ് പൊലീസ് സ്ഥലത്തെത്തിയത്.