സൗത്ത് വെസ്റ്റേൺ റെയിൽവേ മൈസൂർ ഡിവിഷനിലെ ലോക്കോ പൈലറ്റുമാരുടെ നേതൃത്വത്തിൽ സംഘടിപ്പിച്ച ഓണാഘോഷ കുടുംബസംഗമം ശ്രീ ആഞ്ജനേയ സ്വാമി കല്യാണമണ്ഡപത്തിൽ വർണാഭമായി നടന്നു.
ഓണത്തിൻ്റെ ഐക്യവും സാഹോദര്യവും വിളിച്ചോതിയ ചടങ്ങിൽ ലോക്കോ പൈലറ്റുമാരും കുടുംബാംഗങ്ങളും ആവേശത്തോടെ പങ്കെടുത്തു.
വിവിധ കലാ-വിനോദ പരിപാടികൾ ആഘോഷത്തിന് മാറ്റുകൂട്ടി. തുടർന്ന് എല്ലാവരും ഒരുമിച്ചിരുന്ന് സമൃദ്ധമായ ഓണസദ്യയും ആസ്വദിച്ചു.
സൗത്ത് വെസ്റ്റേൺ റെയിൽവേ മൈസൂർ ഡിവിഷനിലെ അഡീഷണൽ ഡിവിഷണൽ റെയിൽവേ മാനേജർ, ഡിവിഷണൽ ഇലക്ട്രിക്കൽ എൻജിനീയർ, സീനിയർ ഡിവിഷണൽ സേഫ്റ്റി ഓഫീസർ എന്നിവർ മുഖ്യാതിഥികളായി പങ്കെടുത്തു.
