2026 ഫിഫ ലോകകപ്പിലെ പ്രീക്വാർട്ടർ പോരാട്ടത്തിൽ ഇന്ന് ബ്രസീൽ ജപ്പാനെ നേരിടും. ഹൂസ്റ്റണിൽ നടക്കുന്ന മത്സരം ഇന്ത്യൻ സമയം രാത്രി 10.30ന് ആരംഭിക്കും. ഗ്രൂപ്പ് സിയിൽ ഒന്നാം സ്ഥാനക്കാരായാണ് ബ്രസീൽ നോക്കൗട്ടിലെത്തിയത്. മൊറോക്കോയുമായി സമനില വഴങ്ങിയ ശേഷം ഹൈറ്റിയെയും സ്‌കോട്‌ലൻഡിനെയും 3-0ന് തോൽപ്പിച്ചാണ് ബ്രസീൽ കരുത്ത് തെളിയിച്ചത്.
അതേസമയം, ഗ്രൂപ്പ് എഫിൽ നിന്ന് രണ്ടാം സ്ഥാനക്കാരായാണ് ജപ്പാൻ പ്രീക്വാർട്ടറിലെത്തിയത്. നെതർലൻഡ്സിനോടും സ്വീഡനോടും സമനില നേടിയ ജപ്പാൻ ടുണീഷ്യയെ 4-0ന് തകർത്തിരുന്നു. അച്ചടക്കമുള്ള പ്രതിരോധവും വേഗമേറിയ ആക്രമണങ്ങളുമാണ് ജപ്പാൻ്റെ പ്രധാന കരുത്ത്.
ചരിത്രം ബ്രസീലിന് അനുകൂലമാണെങ്കിലും മികച്ച ഫോമിലുള്ള ജപ്പാൻ അട്ടിമറി പ്രതീക്ഷയിലാണ്. വിജയിക്കുന്ന ടീം ക്വാർട്ടർ ഫൈനലിലേക്കുള്ള മുന്നേറ്റം ഉറപ്പാക്കും.
