മുഖ്യമന്ത്രി വി.ഡി.സതീശൻ വ്യാഴാഴ്ച ഔദ്യോഗിക വസതിയായ ക്ലിഫ് ഹൗസിലേക്ക് താമസം മാറും. രാവിലെ ആറുമണിക്കാണ് ഗൃഹപ്രവേശ ചടങ്ങ് നിശ്ചയിച്ചിരിക്കുന്നത്. അറ്റകുറ്റപ്പണികൾ പൂർത്തിയാകാത്തതിനെ തുടർന്ന് ഇതുവരെ താമസം മാറാതിരുന്ന മുഖ്യമന്ത്രി, ഇപ്പോഴാണ് ക്ലിഫ് ഹൗസിലേക്ക് പ്രവേശിക്കുന്നത്.
മുൻ മുഖ്യമന്ത്രി പിണറായി വിജയൻ നേരത്തെ തന്നെ ക്ലിഫ് ഹൗസ് ഒഴിഞ്ഞിരുന്നെങ്കിലും, നവീകരണ പ്രവർത്തനങ്ങൾ വൈകിയതിനെ തുടർന്ന് വി.ഡി.സതീശൻ അവിടെ താമസം ആരംഭിച്ചിരുന്നില്ല. അതിനിടെ പ്രതിപക്ഷ നേതാവായിരിക്കെ താമസിച്ചിരുന്ന കന്റോൺമെന്റ് ഹൗസിലാണ് അദ്ദേഹം തുടർന്നും കഴിഞ്ഞിരുന്നത്.
മുഖ്യമന്ത്രി കന്റോൺമെന്റ് ഹൗസിൽ തുടരുന്നതിനാൽ പുതിയ പ്രതിപക്ഷ നേതാവ് പിണറായി വിജയന് അവിടേക്ക് താമസം മാറാൻ കഴിയാത്ത സാഹചര്യം രൂപപ്പെട്ടിരുന്നു. ഇതുസംബന്ധിച്ച അതൃപ്തി പിണറായി വിജയൻ നേരത്തെ വാർത്താസമ്മേളനത്തിൽ പരസ്യമായി അറിയിക്കുകയും ചെയ്തിരുന്നു.
