വയനാട് പുനരധിവാസത്തിന്‍റെ ഭാഗമായി നിര്‍മ്മിച്ച ആദ്യ വിഭാഗത്തിലെ വീടുകള്‍ ഫെബ്രുവരി മൂന്നാം വാരം കൈമാറുമെന്ന് ധനമന്ത്രി കെ.എന്‍ ബാലഗോപാല്‍. ചൂരല്‍മല, മുണ്ടക്കൈ ഉരുള്‍പൊട്ടല്‍ ദുരന്തബാധിതരെ പുനരധിവസിപ്പിക്കുന്നതിനുള്ള വീടുകളുടെ നിര്‍മ്മാണം അവസാനഘട്ടത്തിലാണെന്നും ധനമന്ത്രി ബജറ്റ് അവതരണത്തില്‍ അറിയിച്ചു. മുണ്ടക്കൈ-ചൂരല്‍മല ദുരന്ത ബാധിതരുടെ വായ്പകള്‍ സര്‍ക്കാര്‍ ഏറ്റെടുക്കുമെന്നും കൂടാതെ ദുരന്ത ബാധിതര്‍ക്കായി നിര്‍മ്മിക്കുന്ന മാതൃക ടൗണ്‍ഷിപ്പിന്‍റെ ഭാഗമായി 289 വീടുകളുടെ നിര്‍മ്മാണം പൂര്‍ത്തിയായെന്നും കഴിഞ്ഞ ദിവസം പ്രഖ്യാപനം വന്നിരുന്നു. 10 ലക്ഷത്തിന് മുകളിലും താഴെയുമുളള കടങ്ങള്‍ എഴുതി തള്ളുമെന്നാണ് റവന്യു മന്ത്രി കെ.രാജന്‍ അറിയിച്ചത്. 555 പേരുടെ 1620 ലോണുകളാണ് സര്‍ക്കാര്‍ ഏറ്റെടുക്കുന്നത്.
Check latest article from this author !
പോർച്ചുഗൽ ജഴ്‌സിയിൽ ഇനി റൊണാൾഡോ ജൂനിയറും
നവംബർ 3, 2026
