പ്ലാവ് തടി കൊണ്ടുപോകുന്നതിൻ്റെ മറവിൽ തേക്ക് കടത്ത്, നാലംഗ സംഘം കസ്റ്റഡിയിൽ

പ്ലാവ് തടി വാങ്ങിയ ശേഷം ഇത് കൊണ്ടുപോകുന്നതിൻ്റെ മറവിൽ അനധികൃതമായി കടത്താൻ ശ്രമിച്ച തേക്ക് പിടികൂടി. നാലംഗ സംഘം കസ്റ്റഡിയിൽ. ഇതുമായി ബന്ധപ്പെട്ട് നഗരൂർ വെള്ളല്ലൂർ പുണർതത്തിൽ സുഗുണൻ, കരവാരം ഷഹാനി മൻസിലിൽ ഷംനാദ്, വർക്കല വെട്ടിയറ തെങ്ങുവിള വീട്ടിൽ സെയ്ഫുദ്ദീൻ എന്നിവരും തേക്ക് കടത്താൻ ശ്രമിച്ച സ്വരാജ് മസ്ദയും ആണ് പോലീസിൻ്റെ പിടിയിലായത്. തേക്ക് തടി കടത്താൻ ശ്രമിച്ച ലോറിയും വനം വകുപ്പ് ഉദ്യോഗസ്ഥർ കസ്റ്റഡിയിലെടുത്തിട്ടുണ്ട്. പാലോട് റേഞ്ച് ഓഫീസറുടെ നേതൃത്വത്തിലുള്ള സംഘം നഗരൂർ തേക്കിൻകാട് ഭാഗത്ത് നടത്തിയ പരിശോധനയ്ക്കിടെയാണ് പാസില്ലാതെ കടത്താൻ ശ്രമിച്ച തേക്കിൻ തടി പിടികൂടിയത്.