ഏകദിന ക്രിക്കറ്റിൽ നിന്ന് വിരമിക്കാനുള്ള തീരുമാനം പിൻവലിച്ച്‌ ക്വിൻ്റൺ ഡി കോക്ക്

ഏകദിന ക്രിക്കറ്റിൽ നിന്ന് വിരമിക്കാനുള്ള തീരുമാനം ദക്ഷിണാഫ്രിക്കൻ ഓപ്പണർ ക്വിൻ്റൺ ഡി കോക്ക് പിൻവലിച്ചു. പാക്കിസ്ഥാനെതിരെ അടുത്ത മാസം നടക്കുന്ന പരമ്പരയ്ക്കുള്ള ടീമിൽ ഡി കോക്കിനെ ഉൾപ്പെടുത്തി. ഏകദിന ടീമിന് പുറമെ പാക്കിസ്ഥാനെതിരായ ടി20 പരമ്പരക്കുള്ള ടീമിലും താരത്തെ ഉൾപ്പെടുത്തിയിട്ടുണ്ട്. 2023ലെ ഏകദിന ലോകകപ്പിന് പിന്നാലെയാണ് ഡി കോക്ക് ഏകദിന ക്രിക്കറ്റിൽ നിന്ന് വിരമിക്കൽ പ്രഖ്യാപിച്ചത്. ദക്ഷിണാ ഫ്രിക്കയ്ക്കായി 155 ഏകദിനങ്ങളിൽ കളിച്ചിട്ടുള്ള 30 കാരനായ ഡി കോക്ക് 21 സെഞ്ചുറികളടക്കം 6770 റൺസ് നേടിയിട്ടുണ്ട്.