ജാർഖണ്ഡ് മുന്‍ മുഖ്യമന്ത്രി ഷിബു സോറൻ അന്തരിച്ചു

ജാർഖണ്ഡ് മുക്തി മോർച്ച (ജെഎംഎം) നേതാവും ജാർഖണ്ഡ് മുൻ മുഖ്യമന്ത്രിയുമായ ഷിബു സോറൻ (81) അന്തരിച്ചു. ഡൽഹിയിലെ ശ്രീ ഗംഗാ റാം ആശുപത്രിയിൽ ഒരു മാസമായി ചികിത്സയിലായിരുന്നു. ജൂൺ അവസാനത്തോടെയാണ് വൃക്ക സംബന്ധമായ അസുഖങ്ങളെ തുടർന്ന് ഷിബുസോറനെ ആശുപത്രിയിൽ പ്രവേശിപ്പിച്ചത്. മകനും ജാർഖണ്ഡ് മുഖ്യമന്ത്രിയുമായ ഹേമന്ത് സോറനാണ് മരണ വാർത്ത അറിയിച്ചത്. “ആദരണീയനായ ഗുരു നമ്മളെ വിട്ടുപോയി. ജാർഖണ്ഡ് മുക്‌തി മോർച്ച പാർട്ടിയുടെ സ്‌ഥാപക നേതാവാണ് ഷിബു സോറൻ. ഇന്ന് ഞാൻ ശൂന്യനായി” എന്ന് കുറിച്ചു കൊണ്ടാണ് ഹേമന്ത് അച്‌ഛൻ്റെ മരണവാർത്ത എക്‌സിലൂടെ അറിയിച്ചത്.