വിജയപുര ചടച്ചനിൽ 2 കുടുംബങ്ങൾ തമ്മിലുള്ള വസ്തു തർക്കത്തെ തുടർന്ന് 6 പേരെ വെടിവച്ചു കൊന്ന കേസിൽ 12 പേരെ പോലീസ് അറസ്റ്റ് ചെയ്‌തു. ടൗൺ പഞ്ചായത്ത് അംഗമായ ചൈതന്യ കുമാർ നിരാലെയുടെ പരാതിയിലാണു പൊലീസ് കേസെടുത്തത്. നിരാലെയുടെ കുടുംബത്തിൽ നിന്നുള്ള 4 പേരും 2 സഹായികളുമാണു കഴിഞ്ഞ ദിവസം കൊല്ലപ്പെട്ടത്.
കല്ലനഗൗഡ ഈശ്വരഗൗഡ പാട്ടീൽ, അപ്പുഗൗഡ ലഗമനഗൗഡ പാട്ടീൽ, ഈശ്വരപ്പ ലഗമനഗൗഡ പാട്ടീൽ, പാട്ടീൽ എന്ന പ്രകാശ് ബസവരാജ് മാസ്‌ത്ര, പരുഗൗഡ ബസവരാജ് പാട്ടീൽ എന്ന പ്രശാന്ത്, സിദ്ധരാമൻ കല്ലനഗൗഡ പാട്ടീൽ, ലായപ്പ നെനെപ്പ ബിരാദാർ, ശ്രീകോവിലിൻ നമദലിദലകി, മദാനന്ദലി നമദേവൻ ബിരാദാർ, ശ്രീമന്ത് ശങ്കരേപ്പ ബിരാദാർ, ശങ്കരപ്പ മഹാദേവ് അരിക്കേരി, അപ്പാസാഹേബ് ശങ്കർ ബോവി എന്നിവരെയാണ് പോലീസ് അറസ്റ്റ് ചെയ്‌തത്‌. ഗോവന്ദപൂരിലെ 10 ഏക്കർ കൃഷിഭൂമിയുടെ വിൽപനയിൽ വർഷങ്ങളായി നിലനിന്നിരുന്ന തർക്കമാണു വെടിവയ്‌പ്പിൽ കലാശിച്ചത്.
