ശസ്ത്രക്രിയപ്പിഴവിനെത്തുടർന്ന് കൈ, കാൽ വിരലുകൾ നഷ്ടപ്പെട്ട ദുരനുഭവം തുറന്ന് പറഞ്ഞ് എം എസ് നീതു. വയറിലെ കൊഴുപ്പ് നീക്കൽ ശസ്ത്രക്രിയ ക്ലിനിക് അധികൃതരുടെ ഭാഗത്ത് നിന്നുണ്ടായത് കടുത്ത അനീതിയാണെന്ന് നീതു പറയുന്നു പറയുന്നു. ആശുപത്രി അധികൃതരുടെ ആദ്യ പ്രതികരണം എല്ലാം നിസാരമെന്നായിരുന്നു. 9 വിരലുകളാണ് നീതുവിന് നഷ്ടമായത്.
തിരുവനന്തപുരം കഴക്കൂട്ടം കോസ്മെറ്റിക് ഹോസ്പിറ്റലില്‍ ഫെബ്രുവരി 22 നാണ് നീതു ശസ്ത്രിക്രിയ നടത്തിയത്. 23 ന് വീട്ടിലെത്തിയ ശേഷം ക്ഷീണവും തളര്‍ച്ചയും അനുഭപ്പെട്ടു. ആശുപത്രിയില്‍ വിവരം അറിയിച്ചപ്പോള്‍ ഇതൊക്കെ സാധാരണമെന്നായിരുന്നു ആശുപത്രി അധികൃതരുടെ പ്രതികരണമെന്ന് നീതു പറയുന്നു.
ഗുരുതര കുറ്റകൃത്യമാണ് കോസ്മെറ്റിക് ആശുപത്രി കാണിച്ചതെന്നും നീതു ആരോപിക്കുന്നു. ഇപ്പോഴും ക്ലിനിക് പ്രവര്‍ത്തിക്കുന്നുണ്ട് എന്നാണ് അറിയുന്നതെന്നും നീതു കൂട്ടിച്ചേര്‍ത്തു. 30 ലക്ഷം രൂപയാണ് ചികിത്സയ്ക്കായി ഇതുവരെ നീതുവിന് ചെലവായത്. ഐടി ജീവനക്കാരിയായിരുന്ന നീതുവിന് നിലവില്‍ ജോലിയില്‍ തുടരാനോ നിത്യജീവിത്തിലെ കാര്യങ്ങള്‍ പോലും ചെയ്യാന്‍ കഴിയാത്ത അവസ്ഥയാണ്.
