എറണാകുളം കൊച്ചി കോന്തുരുത്തിയിൽ സ്ത്രീയുടെ മൃതദേഹം ചാക്കിൽ പൊതിഞ്ഞ നിലയിൽ കണ്ടെത്തി. കൊലപാതകമാണെന്ന സംശയത്തെത്തുടർന്ന് വീട്ടുടമ ജോർജിനെ പൊലീസ് കസ്റ്റഡിയിലെടുത്തു. ഹരിത കർമ സേന പ്രവർത്തകർ ആണ് മൃതദേഹം ആദ്യം കണ്ടത്. ജോർജ് മൃതദേഹത്തിനടുത്ത് ഇരിക്കുന്നതായാണ് കണ്ടതെന്ന് തൊഴിലാളികള്‍ പറയുന്നത്. എന്നാല്‍ സംഭവത്തെക്കുറിച്ച് ഒന്നും അറിയില്ലെന്നാണ് ജോര്‍ജിന്‍റെ മൊഴി. എന്നാൽ ചാക്ക് അന്വേഷിച്ച് ഇയാൾ പരിസരത്തെ കടയിൽ എത്തിയതായാണ് പ്രദേശവാസികൾ പറയുന്നത്. പട്ടി ചത്തെന്ന് പറഞ്ഞാണ് ചാക്ക് വാങ്ങിയത്. അവശനിലയിലായ ഇയാളെ ആശുപത്രിയിലേക്ക് മാറ്റി. സ്ഥലത്ത് പരിശോധന പുരോഗമിക്കുകയാണ്. ഇന്ന് രാവിലെയാണ് മൃതദേഹം കണ്ടത്. മരിച്ചയാളെ തിരിച്ചറിഞ്ഞിട്ടില്ല.
Check latest article from this author !
പോർച്ചുഗൽ ജഴ്‌സിയിൽ ഇനി റൊണാൾഡോ ജൂനിയറും
നവംബർ 3, 2026
