പ്രൊഫ.കെ.വി.തോമസ് ട്രെയിനുകളിൽ വിതരണം ചെയ്യുന്ന ഭക്ഷണത്തിൻ്റെ ഗുണനിലാവരം മെച്ചപ്പെടുത്തണമെന്ന് ആവശ്യപ്പെട്ട് സംസ്ഥാന സർക്കാറിൻ്റെ ഡൽഹിയിലെ പ്രത്യേക പ്രതിനിധി കേന്ദ്ര റെയിൽവേ മന്ത്രി അശ്വിനി വൈഷ്ണവിന് കത്ത് നൽകി. രാജധാനി, വന്ദേഭാരത് പോലുള്ള പ്രീമിയം ട്രെയിനുകളിൽ പോലും ഭക്ഷണത്തിൻ്റെ ശുചിത്വം, നിലവാരം, സമയക്രമം എന്നിവയിൽ വലിയ പിഴവുകൾ ഉണ്ടെന്നുള്ള പരാതികൾ മാധ്യമങ്ങളിലുടെയും നേരിട്ടും ലഭിച്ചതിൻ്റെ പശ്ചാത്തലത്തിലാണ് റേയിൽവേ മന്ത്രിയെ ആ വിവരം കത്തിലൂടെ അറിയിച്ചത്. ട്രെയിനിലെ ഭക്ഷണത്തിൻ്റെ ഗുണനിലവാരം ഉറപ്പാക്കുന്നതിനും ശുചിത്വം ഉറപ്പാക്കുന്നതിനും സമയക്രമത്തിലെ വ്യതിയാനം സമയോചിതമായി യാത്രക്കാരെ അറിയിക്കുന്നതിനും മന്ത്രിയുടെ അടിയിന്തര ഇടപെടൽ വേണമെന്നും കത്തിൽ കെ.വി തോമസ് ആവശ്യപ്പെട്ടുണ്ട്.
