യാത്രക്കാർക്ക് ആശ്വാസമായി മൈസൂരു–തിരുവനന്തപുരം നോർത്ത് എക്സ്പ്രസിന് മണ്ഡ്യ ജില്ലയിലെ മദ്ദൂർ റെയിൽവേ സ്റ്റേഷനിൽ അനുവദിച്ചിരുന്ന താൽക്കാലിക സ്റ്റോപ്പ് സെപ്റ്റംബർ 30 വരെ ദക്ഷിണ റെയിൽവേ നീട്ടി.
തിരുവനന്തപുരം നോർത്ത്–മൈസൂരു എക്സ്പ്രസ് (16316) രാവിലെ 9.49-ന് മദ്ദൂരിലെത്തും. മൈസൂരു–തിരുവനന്തപുരം നോർത്ത് എക്സ്പ്രസ് (16315) ഉച്ചയ്ക്ക് 2.11-ന് മദ്ദൂർ സ്റ്റേഷനിൽ എത്തും. ഇരു ട്രെയിനുകൾക്കും ഒരു മിനിറ്റാണ് സ്റ്റോപ്പ് അനുവദിച്ചിരിക്കുന്നത്.
മണ്ഡ്യ, മദ്ദൂർ മേഖലയിലെ യാത്രക്കാരുടെ ആവശ്യവും യാത്രക്കാരുടെ തിരക്കും പരിഗണിച്ചാണ് സ്റ്റോപ്പ് കാലാവധി വീണ്ടും ദീർഘിപ്പിച്ചതെന്ന് റെയിൽവേ അധികൃതർ അറിയിച്ചു. കേരളത്തിലേക്കും തിരിച്ചുമുള്ള യാത്രക്കാർക്ക് ഇതിലൂടെ കൂടുതൽ സൗകര്യമൊരുങ്ങും.
