ഒ​ളി​മ്പി​ക്സി​ൽ സ്വ​ർ​ണം നേ​ടു​ന്ന കാ​യി​ക താ​ര​ങ്ങ​ൾ​ക്ക് ആ​റ് കോ​ടി രൂ​പ പാ​രി​തോ​ഷി​കം ന​ൽ​കും – മു​ഖ്യ​മ​ന്ത്രി സിദ്ധരാമയ്യ

ഒളിമ്പിക്‌സിൽ സ്വർണം നേടുന്ന കായികതാരങ്ങൾക്ക് ആറ് കോടി രൂപ പാരിതോഷികം നൽകുമെന്ന് മുഖ്യമന്ത്രി സിദ്ധരാമയ്യ. കർണാടക ഒളിമ്പിക്‌സ് അസോസിയേഷൻ സംഘടിപ്പിച്ച ‘കർണാടക ഒളിമ്പിക്സ് 2025’ അവാർഡ് ദാന ചടങ്ങിൽ സംസാരിക്കുകയായിരുന്നു മുഖ്യമന്ത്രി. വെള്ളി മെഡൽ നേടുന്ന കായികതാരങ്ങൾക്ക് നാല് കോടി രൂപയും വെങ്കല മെഡൽ നേടുന്നവർക്ക് മൂന്ന് കോടി രൂപയും കാഷ് പ്രൈസായി നൽകും.
അടുത്ത മാസം ജനുവരി മുതൽ സർക്കാർ ജോലികളിൽ കായികതാരങ്ങൾക്ക് സംവരണം നടപ്പാക്കും. വനം, പൊലീസ് വകുപ്പുകളിൽ മുന്ന് ശതമാനം വരെയും മറ്റു വകുപ്പുകളിൽ രണ്ട് ശതമാനം വരെയും ജോലികൾ കായിക താരങ്ങൾക്കായി സംവരണം ചെയ്തിട്ടുണ്ട്. അടുത്ത മാസം ജനുവരിയിൽ ഇതുസംബന്ധിച്ച് ഔദ്യോഗിക ഉത്തരവ് പുറപ്പെടുവിക്കുമെന്നും അദ്ദേഹം കൂട്ടിച്ചേർത്തു. സംസ്ഥാന സർക്കാർ കായിക മേഖലക്ക് പിന്തുണ നൽകുമെന്നും അദ്ദേഹം അറിയിച്ചു.