രമേശ് ചെന്നിത്തലയെ പോലെ ഒരാൾ കാബിനറ്റിൽ ആവശ്യമാണെന്നും അതിനാൽ ചെന്നിത്തല മന്ത്രിസഭയിലേക്ക് വരണമെന്നും കെ. മുരളീധരൻ. ഗുരുവായൂരിൽ നിർമാല്യ ദർശനത്തിനുശേഷം പ്രതികരിക്കുകയായിരുന്നു അദ്ദേഹം. ഹൈക്കമാൻഡും രമേശ് ചെന്നിത്തലയും ചേർന്നു തീരുമാനിക്കേണ്ട കാര്യമാണ് മന്ത്രിസ്ഥാനം.
എക്കാലത്തും ഹൈക്കമാൻഡ് നിലപാടുകൾ അംഗീകരിച്ചിട്ടുള്ള അച്ചടക്കമുള്ള പ്രവർത്തകനാണ് രമേശ് ചെന്നിത്തല. അതിനാൽ ഇക്കാര്യത്തിലും അദ്ദേഹം ഹൈക്കമാൻഡിന്‍റെ നിർദേശങ്ങൾ അനുസരിച്ച് പ്രവർത്തിക്കും എന്ന കാര്യത്തിൽ ഒരു തർക്കവുമില്ലെന്നും മുരളീധരൻ പറഞ്ഞു.
