ലൈംഗിക പീഡനക്കേസിയലെ പ്രതിയായ പാലക്കാട് എംഎൽഎ രാഹുൽ മാങ്കൂട്ടത്തിലിനെ കണ്ടെത്താൻ പുതിയ അന്വേഷണസംഘത്തെ നിയോഗിച്ചിരിക്കുകയാണ് ക്രൈംബ്രാഞ്ച്. പൂങ്കുഴലി ഐപിഎസിൻ്റെ നേതൃത്വത്തിലുള്ള പ്രത്യേക സംഘത്തിലെ ഉദ്യോഗസ്ഥർ തെരച്ചിൽ ആരംഭിച്ചു. കേരളത്തിലും ദക്ഷിണ കർണാടകയിലുമാണ് തെരച്ചിൽ നടത്തുന്നത്. രാഹുലിനെതിരെയുള്ള രണ്ടാമത്തെ കേസിൽ രാഹുലിൻ്റെ അറസ്റ്റ് കോടതി തടയാത്ത സാഹചര്യത്തിലാണ് നടപടി. കേസിലെ പ്രാഥമിക റിപ്പോർട്ട് അന്വേഷണസംഘം ഉടൻ കോടതിയിൽ സമർപ്പിക്കും.
രാഹുൽ ഒളിവിൽപ്പോയിട്ട് ഇന്ന് പതിനൊന്നാം ദിനം ആണ്. രാഹുൽ ദക്ഷിണ കർണാടകത്തിലെ ഒളിയിടത്തിലുണ്ടെന്നാണ് എസ്ഐടിക്ക് ലഭിച്ച വിവരം. എന്നാൽ സുരക്ഷാ പ്രശ്നങ്ങളാലും വരവ് മുൻകൂട്ടിയറിയാൻ രാഹുലിന് കഴിയുമെന്നതിനാലും അറസ്റ്റ് വൈകുന്നൂവെന്നാണ് സൂചന. മുൻകൂർ ജാമ്യാപേക്ഷയില്‍ വിശദമായ വാദം നാളെ നടക്കും. കേസിലെ പൊലീസ് റിപ്പോർട്ടും നാളെ കോടതിയിൽ സമർപ്പിക്കും.
