ആലപ്പുഴ–കോട്ടയം ജില്ലകളെ ബന്ധിപ്പിച്ച് വേമ്പനാട്ടുകായലിന് കുറുകെ നിർമിച്ച പുതിയ പാലം ഇന്ന് നാടിന് സമർപ്പിക്കും. രാവിലെ ഒൻപതിന് മാക്കേക്കടവിൽ മുഖ്യമന്ത്രി വി.ഡി. സതീശൻ പാലം ഉദ്ഘാടനം ചെയ്യും. ഉദ്ഘാടനച്ചടങ്ങിൽ ശിലാഫലകം അനാച്ഛാദനം ചെയ്തശേഷം പാലത്തിലൂടെ വാഹനത്തിൽ സഞ്ചരിച്ച് നേരേകടവിലെത്തി മുഖ്യമന്ത്രി നാട മുറിക്കും.
മന്ത്രി പി.കെ. ബഷീർ ചടങ്ങിൽ അധ്യക്ഷത വഹിക്കും. മന്ത്രിമാരായ രമേശ് ചെന്നിത്തല, മോൻസ് ജോസഫ്, എം. ലിജു, ഡെപ്യൂട്ടി സ്പീക്കർ ഷാനിമോൾ ഉസ്മാൻ തുടങ്ങിയവർ പങ്കെടുക്കും.
മാക്കേക്കടവിൽ പാലത്തോടു ചേർന്നാണ് ഉദ്ഘാടന സമ്മേളനത്തിനുള്ള ഒരുക്കങ്ങൾ പൂർത്തിയാക്കിയിരിക്കുന്നത്. 2,500 പേർക്ക് ഇരിക്കാവുന്ന പന്തലും 50 പേർക്ക് ഇരിക്കാവുന്ന വേദിയും ഇവിടെ സജ്ജീകരിച്ചിട്ടുണ്ട്.
