കാഴ്ചപരിമിതരുടെ ട്വന്റി-20 വിജയിച്ച താരങ്ങൾക്ക് കർണാടക സർക്കാർ 10 ലക്ഷം രൂപയും ജോലിയും നൽകും

കാഴ്ചപരിമിതിയുള്ള വനിതകളുടെ ട്വന്റി-20 ലോകകപ്പ് ക്രിക്കറ്റിൽ ചാമ്പ്യന്മാരായ ഇന്ത്യൻ ടീമിലെ കർണാടകതാരങ്ങൾക്ക് 10 ലക്ഷം രൂപ പാരിതോഷികവും സർക്കാർ ജോലിയും നൽകും. ബെംഗളൂരുവിൽ ടീം അംഗങ്ങളെ ക്ഷണിച്ചുവരുത്തി ആദരിച്ച കർണാടക മുഖ്യമന്ത്രി സിദ്ധരാമയ്യയാണ് പാരിതോഷികം പ്രഖ്യാപിച്ചത്. ടീം ക്യാപ്റ്റൻ ടി.സി. ദീപിക, വി. കാവ്യ, എൻ.ആർ. കാവ്യ എന്നീ മൂന്നുപേരാണ് കർണാടകത്തിൽനിന്നുള്ള ടീം അംഗങ്ങൾ. ടീമിലുണ്ടായിരുന്ന മറ്റ് സംസ്ഥാനങ്ങളിൽനിന്നുള്ള താരങ്ങൾക്കും സർക്കാർ പാരിതോഷികം നൽകുമെന്നും സിദ്ധരാമയ്യ അറിയിച്ചു. രണ്ട് ലക്ഷം രൂപവീതമാണ് ഇവർക്കുള്ള പാരിതോഷികം.