ലോക ജൂനിയർ സ്ക്വാഷിൽ ഇന്ത്യയ്ക്ക് ചരിത്രനേട്ടം. 18കാരിയായ അനഹാത് സിംഗ് ലോക ജൂനിയർ സ്ക്വാഷ് ചാമ്പ്യൻഷിപ്പിൽ കിരീടം നേടി ഈ നേട്ടം കൈവരിക്കുന്ന ആദ്യ ഇന്ത്യൻ താരമായി. കാനഡയിൽ നടന്ന ഫൈനലിൽ ഈജിപ്തിൻ്റെ റുഖിയ സലീമിനെ നേരിട്ടുള്ള മൂന്ന് ഗെയിമുകൾക്ക് (3-0) പരാജയപ്പെടുത്തിയാണ് അനഹാത് സ്വർണമണിഞ്ഞത്.
16 വർഷമായി ലോക ജൂനിയർ വനിതാ സ്ക്വാഷിൽ ഈജിപ്ത് നിലനിർത്തിയിരുന്ന ആധിപത്യത്തിനാണ് അനഹാത് സിംഗിൻ്റെ വിജയത്തോടെ വിരാമമായത്. ഇന്ത്യൻ സ്ക്വാഷിൻ്റെ ചരിത്രത്തിലെ ഏറ്റവും ശ്രദ്ധേയമായ നേട്ടങ്ങളിലൊന്നായാണ് ഈ കിരീടവിജയം വിലയിരുത്തപ്പെടുന്നത്.
ഇന്ത്യൻ സ്ക്വാഷിന് പുതിയ ഉയരങ്ങൾ സമ്മാനിച്ച അനഹാതിൻ്റെ ഈ പ്രകടനം രാജ്യത്തിൻ്റെ കായികരംഗത്തിന് അഭിമാന നേട്ടമായി മാറിയിരിക്കുകയാണ്.
