ബെംഗളൂരു നന്ദിനി ലേഔട്ടിലുള്ള പേയിംഗ് ഗസ്റ്റ് താമസസ്ഥലത്ത് തീപിടിത്തം. 50 ൽ അധികം സ്ത്രീകൾ താമസിക്കുന്ന പിജിലാണ് തീപിടിത്തം ഉണ്ടായത്. കെട്ടിടത്തിന്‍റെ താഴത്തെ നിലയിലുള്ള എൽഇഡി ബോർഡ് നിർമിക്കുന്ന കടയിൽ നിന്നാണ് തീ പടർന്ന് എന്നാണ് പ്രാഥമിക വിവരം.
തീ പടർന്നതിനെ തുടർന്ന് കെട്ടിടത്തിന്‍റെ മുകളിൽ നിന്ന് സ്ത്രീകൾ താഴേയ്ക്ക് ചാടി രക്ഷപ്പെടുകയായിരിരുന്നു. കെട്ടിടം നിമിഷനേരം കൊണ്ട് പൂർണമായും പുക കൊണ്ട് നിറഞ്ഞു. സ്ത്രീകൾക്ക് പുറത്തേയ്ക്കിറങ്ങാൻ കഴിയാതെ വന്നതോടെ അവർ മുകളിൽ നിന്ന് ചാടുകയായിരുന്നു. സംഭവത്തിൽ ആർക്കും ഗുരുതരമായ പരിക്കുകളില്ല. തീപിടിത്തത്തിന്‍റെ കൃത്യമായ കാരണം ക‌ണ്ടെത്താനുള്ള അന്വേഷണം അധികൃതർ ആരംഭിച്ചിട്ടുണ്ട്. അഗ്നിശമന സേന സ്ഥലത്തെത്തി തീ നിയന്ത്രണ വിധേയമാക്കി.
