മമത ബാനർജി ഇഡി റെയ്ഡ് തടസപ്പെടുത്തിയ സംഭവത്തിൽ മമത ബാനർജിക്കും സംസ്ഥാന സർക്കാരിനും സുപ്രീം കോടതി നോട്ടീസയച്ചു. സംസ്ഥാന സർക്കാർ കേന്ദ്ര ഏജൻസി അന്വേഷണം തടസപ്പെടുത്തുന്നത് ഗൗരവമേറിയ വിഷയമെന്ന് സുപ്രീം കോടതി നിരീക്ഷിച്ചു.
മമതയ്‌ക്കും സർക്കാരിനും നോട്ടീസ് അയച്ചത് വിഷയം പരിഹരിച്ചില്ലെങ്കിൽ അത് നിയമവ്യവസ്ഥ തകരാനിടയാക്കുമെന്ന് ചൂണ്ടിക്കാട്ടിയാണ്. ഇഡി ഉദ്യോഗസ്ഥർക്കെതിരെ പോലീസ് എടുത്ത കേസും കോടതി സ്റ്റേ ചെയ്തു. സംസ്ഥാന ഏജൻസികൾ കുറ്റവാളികൾക്ക് സംരക്ഷണം നൽകാൻ പാടില്ലെന്ന് സുപ്രീം കോടതി നിർദേശിച്ചു.
