ഈസ്‌റ്റർ അവധി; സ്പെഷൽ സർവീസുമായി കർണാടക ആർടിസിയും

ബെംഗളുരു ഈസ്‌റിന് നാട്ടിലേക്കു മടങ്ങാൻ തിരക്കേറെയുള്ള ഇന്നു കേരള, കർണാടക ആർടിസികൾ കുടുതൽ സ്പെഷൽ ബസുകൾ അനുവദിച്ചു. തിരുവനന്തപുരം, കോട്ടയം, എറണാകുളം, ആലപ്പുഴ, തൃശൂർ, പാലക്കാട്, കോഴിക്കോട്, കണ്ണൂർ എന്നിവിടങ്ങളിലേക്കാണു കൂടുതൽ സ്പെഷൽ ബസുകൾ.
നേരത്തെ അനുവദിച്ച ഹുബ്ബള്ളി-കൊല്ലം സ്പെഷൽ ട്രെയിനിലെ ടിക്കറ്റുകൾ നേരത്തെ തന്നെ വിറ്റു തീർന്നിരുന്നു. ഇന്നു രാവിലെ 11.50നു പുറപ്പെടുന്ന യശ്വന്തപുര – കണ്ണൂർ (മംഗളുരു വഴി) സ്പെഷൽ ട്രെയിനിൽ ടിക്കറ്റുകൾ ബാക്കിയാണ്. അവസാന നിമിഷം പ്രഖ്യാപിച്ചതും പകൽ സർവീസായതിനാൽ ജോലി കഴിഞ്ഞു നാട്ടിലേക്ക് മടങ്ങുന്നവർക്ക് ഉപകരിക്കാത്തതുമാണു തിരിച്ചടിയായത്.