ട്രാക്കിൽ മരം വീണു, ചില ട്രെയിനുകൾ വൈകിയോടുന്നു

അതിശക്തമായ മഴയെ തുടർന്ന് റെയിൽവേ ട്രാക്കിൽ മരം വീണതിനാൽ വിവിധ ട്രെയിനുകൾ വൈകിയോടുന്നു. കോഴിക്കോട്, എറണാകുളം ജില്ലകളിലാണ് ട്രാക്കിൽ മരം വീണു റെയിൽ ഗതാഗതം തടസ്സപ്പെട്ടത്. ട്രാക്കുകളിൽ നിന്ന് മരം നീക്കം ചെയ്തെങ്കിലും മൂന്നുമുതൽ നാല് മണിക്കൂർവരെയാണ് ട്രെയിനുകൾ വൈകുന്നത്. എറണാകുളം – പൂനെ പൂർണ എക്സ്പ്രസ്, വെസ്റ്റ് കോസ്റ്റ് വെരാവൽ എക്സ്പ്രസ്, കോഴിക്കോട് – ഷൊർണൂർ പാസഞ്ചർ, തിരുവനന്തപുരം – മാംഗ്ലൂർ മലബാർ എക്സ്പ്രസ്, തിരുവനന്തപുരം – നിലമ്പൂർ രാജ്യറാണി എക്സ്പ്രസ്, ഗുരുവായൂർ – തിരുവനന്തപുരം എക്സ്പ്രസ്, നിസ്സാമുദ്ദീൻ മംഗള എക്സ്പ്രസ്, അമൃത്സർ – തിരുവനന്തപുരം നോർത്ത് സൂപ്പർഫാസ്റ്റ് എക്സ്പ്രസ്, തിരുവനന്തപുരം – മാംഗ്ലൂർ അന്ത്യോദയ എക്സ്പ്രസ്, ചെന്നൈ – എഗ്നമോർ ഗുരുവായൂർ എന്നീ ട്രെയിനുകളാണ് വൈകിയോടുന്നത്.