നടൻ ടിനി ടോമിന് എതിരായ പരാതിയില്‍ നടി അന്‍സിബ ഹസനെ പോലീസ് മൊഴിയെടുക്കാന്‍ വിളിപ്പിച്ചു. നാളെ കടവന്ത്ര സ്റ്റേഷനിൽ ഹാജരാകാനാണ് നിർദേശം. താരസംഘടനയായ അമ്മയിലെ തർക്കങ്ങളുമായി ബന്ധപ്പെട്ടാണ് അൻസിബ ടിനി ടോമിനെതിരെ പരാതി നല്‍കിയിരിക്കുന്നത്. ഈ മാസം ഒന്നാം തിയതിയാണ് ടിനി ടോമിനെതിരെ അൻസിബ പരാതി നൽകിയത്.
തനിക്കെതിരെ ടിനി ടോം വർഗീയ പരാമർശങ്ങൾ നടത്തുന്നുവെന്നും സൈബർ അധിക്ഷേപം നടത്തുന്നുവെന്നും അൻസിബ പരാതിയിൽ ചൂണ്ടിക്കാട്ടിയിരുന്നു. ടിനിയുടെത് സ്ത്രീത്വത്തെ അപമാനിക്കുന്ന പെരുമാറ്റമാണെന്നും തന്‍റെ കുടുംബത്തെ ടിനി വേട്ടയാടുന്നുവെന്നും അൻസിബയുടെ പരാതിയിലുണ്ട്.
