യുപിഎസ്സി സിവില് സര്വീസ് പരീക്ഷാഫലം പ്രസിദ്ധീകരിച്ചു. യുപി സ്വദേശി ശക്തി ദുബെക്കാണ് ഒന്നാം റാങ്ക്. ഡി.എ. പരാഗ്, ഹര്ഷിത ഗോയല് എന്നിവര്ക്കാണ് രണ്ടും മൂന്നും റാങ്ക്. 1009 പേരുടെ റാങ്ക് പട്ടികയാണ് പ്രസിദ്ധീകരിച്ചത്. ആദ്യ നൂറില് 5 മലയാളികള് ഇടം നേടി. ആദ്യ 50 റാങ്കില് 6 മലയാളികളുണ്ട്. ഇതിൽ മൂന്നും വനിതകളാണ്. നിരവധി മലയാളികളും പട്ടികയിൽ ഇടം പിടിച്ചിട്ടുണ്ട്.
ബയോകെമിസ്ട്രിയില് അലഹാബാദ് സര്വകലാശാലയില് നിന്നും ബിരുദം നേടിയതാണ് ശക്തി ദുബേ. പൊളിറ്റിക്കല് സയന്സ്, ഇന്റര്നാഷണല് റിലേഷന്സ് എന്നീ വിഷയങ്ങളായിരുന്നു ശക്തിയുടെ ഓപ്ഷണല് വിഷയങ്ങള്. എംഎസ് യൂണിവേഴ്സിറ്റി ബറോഡയില് നിന്നും ബികോം ബിരുദം നേടിയതാണ് ഹര്ഷിത ഗോയല്.ഇന്റര്നാഷണല് റിലേഷന്സ് എന്നീ വിഷയങ്ങളായിരുന്നു ഹര്ഷിതയുടെ ഓപ്ഷണല് വിഷയങ്ങള്.
നന്ദന ജിപി 47, മാളവിക ജി നായര് – 45, സോണറ്റ് ജോസ് 54, റീനു അന്ന മാത്യു- 81, ദേവിക പ്രിയദര്ശിനി -95 എന്നവർ 100 ൽ താഴെ റാങ്കുകള് നേടിയവരാണ്. യുപിഎസ്സി നടത്തിയ കഴിഞ്ഞ വര്ഷത്തെ പരീക്ഷയുടെ ഫലമാണ് പ്രസിദ്ധീകരിച്ചത്. ഐഎഎസ്, ഐഎഫ്എസ്, ഐപിഎസ്, സെന്ട്രല് സര്വീസ്, ഗ്രൂപ് എ, ഗ്രൂപ്പ് ബി സര്വീസുകളിലേക്കാണ് പരീക്ഷ നടത്തിയത്. 180 പേര്ക്ക് ഐഎഎസും 55 പേര്ക്ക് ഐഎഫ്എസും 147 പേര്ക്ക് ഐപിഎസും ലഭിക്കും.
