പശ്ചിമ ബംഗാൾ ഗവർണർ സി.വി.ആനന്ദ ബോസിന് ബോംബ് ഭീഷണി. കഴിഞ്ഞ ദിവസം രാത്രി ഇ മെയിൽ വഴിയായിരുന്നു ഭീഷണി. ലോക്ഭവനിൽ സ്ഫോടനം നടത്തുമെന്നായിരുന്നു ഇ മെയിലിലെ ഭീഷണിസന്ദേശം.
കേന്ദ്ര ആഭ്യന്തരമന്ത്രാലയത്തെ ഭീഷണി വിവരം അറിയിച്ചു. ഇതോടെ അന്വേഷണം ആരംഭിക്കുകയും ലോക്ഭവന് സുരക്ഷ വർധിപ്പിക്കുകയും ചെയ്തു. സി.വി. ആനന്ദബോസിന് മുൻപും ഭീഷണി സന്ദേശം ലഭിച്ചിട്ടുണ്ട്.
സിആർപിഎഫും ബംഗാൾ പോലീസും സുരക്ഷാ ഉദ്യോഗസ്ഥരും യോഗം ചേരുകയും മെയിലിന്റെ ഉറവിടം കണ്ടെത്താനുള്ള അന്വേഷണം ഊർജിതമാക്കാൻ ഉത്തരവിടുകയും ചെയ്തു.
