തിരുവനന്തപുരം മെഡിക്കൽ കോളജ് ആശുപത്രിയിൽ തീപിടിത്തം
തിരുവനന്തപുരം മെഡിക്കൽ കോളജ് ആശുപത്രിയിൽ തീപിടിത്തം. ഇന്ന് രാവിലെ രണ്ടാം നിലയിലെ മൾട്ടി സ്പെഷ്യാലിറ്റി ബ്ലോക്കിലെ സർജിക്കൽ ഐസിയുവിലാണ് തീപിടിത്തമുണ്ടായത്. വളരെപ്പെട്ടെന്നുതന്നെ ഇവിടെയുണ്ടായിരുന്ന അമ്പതോളം രോഗികളെ മറ്റിടങ്ങളിലേക്ക് മാറ്റിയതിനാൽ ആർക്കും ജീവഹാനിയോ പരിക്കോ ഉണ്ടായിട്ടില്ല എന്നാണ് വിവരം. ഐസിയുവിലെ എല്ലാ ബെഡ്ഡിലും രോഗികളുണ്ടായിരുന്നു. തീ നിയന്ത്രണ വിധേയമാക്കിയതായാണ് വിവരം. തീ പിടിക്കാനുണ്ടായ സാഹചര്യം വ്യക്തമല്ല.
തൊണ്ടിമുതൽ കേസ്; ആന്റണി രാജു നൽകിയ ഹർജിയിൽ ഹൈക്കോടതി സിംഗിൾ ബഞ്ച് ഇന്ന് ഉത്തരവ് പറയും
തൊണ്ടിമുതൽ കേസിലെ ശിക്ഷ മരവിപ്പിക്കണമെന്ന് ആവശ്യപ്പെട്ട് മുൻ എംഎൽഎ ആന്റണി രാജു നൽകിയ ഹർജിയിൽ ഹൈക്കോടതി സിംഗിൾ ബഞ്ച് ഇന്ന് ഉത്തരവ് പറയും. കേസിൽ ആന്റണി രാജുവിനെ നെടുമങ്ങാട് കോടതി മൂന്ന് വർഷം തടവ് ശിക്ഷിച്ചിരുന്നു. 1990 ലായിരുന്നു കേസിനാസ്പദമായ സംഭവം. തിരുവനന്തപുരം വിമാനത്താവളത്തിൽ മയക്കുമരുന്നുമായി പിടിയിലായ ഓസ്ട്രേലിയൻ പൗരനെ രക്ഷിക്കാൻ തൊണ്ടിമുതലായ അടിവസ്ത്രത്തിൽ തിരിമറി നടത്തിയെന്നാണ് കേസ്. ശിക്ഷ മരവിപ്പിക്കണമെന്നും ശിക്ഷ മരവിപ്പിച്ചില്ലെങ്കിൽ തനിക്ക് മത്സരിക്കാൻ കഴിയില്ലെന്നും ആന്റണി
കാബൂളിലെ ആശുപത്രിക്ക് നേരെ പാക് ആക്രമണം; 400 മരണം
അഫ്ഗാനിസ്ഥാനിലെ കാബൂളിൽ പാകിസ്താൻ നടത്തിയ വ്യോമാക്രമണത്തിൽ 400 പേർ കൊല്ലപ്പെട്ടു. കാബൂളിലെ ആശുപത്രിക്ക് നേരെയാണ് ആക്രമണമുണ്ടായത്. 250ലേറെ പേർക്ക് പരിക്കേറ്റതായും അഫ്ഗാൻ അധികൃതർ അറിയിച്ചു. 2000 ബെഡ് സൗകര്യമുള്ള ആശുപത്രി കെട്ടിടത്തിന് നേരെ രാത്രിയിലാണ് ആക്രമണമുണ്ടായത്.അതേസമയം ആശുപത്രിയെ ലക്ഷ്യമിട്ടിട്ടില്ലെന്നും സിവിലിയൻസ് കൊല്ലപ്പെട്ടുവെന്ന അഫ്ഗാൻ്റെ വാദം അടിസ്ഥാനരഹിതമാണെന്നും പാക് പ്രധാനമന്ത്രി ഷെഹബാസ് ഷെരീഫിൻ്റെ വക്താവ് മൊഷറഫ് സയിദി വ്യക്തമാക്കി. അഫ്ഗാനിലെ തീവ്രവാദ കേന്ദ്രങ്ങളും അവരെ പിന്തുണക്കുന്നതും അടിസ്ഥാനസൗകര്യങ്ങൾ നൽകുന്നതുമായ കേന്ദ്രങ്ങളെയാണ് ലക്ഷ്യമിട്ടതെന്നാണ്
പുരോഗമന കലാ സാഹിത്യ സംഘം സെമിനാർ മാർച്ച് 22ന്
പുരോഗമന കലാ സാഹിത്യ സംഘം ബെംഗളൂരു സംഘടിപ്പിക്കുന്ന സെമിനാർ മാർച്ച് 22ന് ഉച്ചയ്ക്ക് 2 മണിക്ക് പീനിയ എൻടിടിഎഫ് സർക്കിളിലെ നെസ്റ്റ് ഇൻ ഹാളിൽ നടക്കും.‘പുരാവൃത്തങ്ങളുടെ പുരോഗമന പരിപ്രേക്ഷ്യം’ എന്ന വിഷയത്തിൽ എം എം സചീന്ദ്രൻ മുഖ്യപ്രഭാഷണം നടത്തും. പാട്ടരങ്ങ്, നാടൻ കലാവതരണം എന്നിവ ഉണ്ടായിരിക്കും. ബെംഗളൂരുവിലെ സാഹിത്യ സാംസ്കാരിക പ്രവർത്തകർ പരിപാടിയിൽ പങ്കെടുക്കും.
ഇറാൻ്റെ ആക്രമണം ശക്തമായതോടെ യുഎഇ വ്യോമപാത താത്കാലികമായി അടച്ചു
പശ്ചിമേഷ്യയിൽ ഇറാൻ്റെ ആക്രമണം ശക്തമായതോടെ യുഎഇ വ്യോമപാത താത്കാലികമായി അടച്ചു. അബുദാബിയിലെ എണ്ണപാടം ലക്ഷ്യമിട്ടും ഇന്നലെ ഡ്രോൺ ആക്രമണമുണ്ടായി. ഈജിപ്ത് വിദേശകാര്യ മന്ത്രി സമാധാന ചർച്ചകൾക്കായി ഗൾഫ് രാജ്യങ്ങളിലെത്തിയിട്ടുണ്ട്. അതിനിടെ ഇറാനൊപ്പം നിൽക്കുന്നുവെന്ന് റഷ്യ വീണ്ടും വ്യക്തമാക്കി. യുദ്ധം അവസാനിപ്പിക്കാൻ പരമാവധി ശേഷി വിനിയോഗിക്കാൻ തയാറാണെന്നും റഷ്യ പ്രഖ്യാപിച്ചു. അതേസമയം ഫ്രഞ്ച് പ്രസിഡന്റ് ഇമ്മാനുവൽ മാക്രോണുമായി നടത്തിയ ഫോൺ സംഭാഷണത്തിൽ കീഴടങ്ങാൻ തയാറല്ലെന്ന് ഇറാൻ പ്രസിഡന്റ് മസൂദ് പെസെഷ്കിയാൻ വ്യക്തമാക്കി.
ഇറാനെതിരായ ആക്രമണങ്ങളിൽ പങ്കാളികളാകില്ലെന്ന് നാറ്റോ സഖ്യകക്ഷികൾ
ഇറാനെതിരായ ആക്രമണങ്ങളിൽ പങ്കാളികളാകില്ലെന്ന് വ്യക്തമാക്കി നാറ്റോ സഖ്യകക്ഷികൾ. ഹോർമൂസ് വിഷയത്തിൽ ഒരുമിച്ച് നിൽക്കണമെന്ന് അമേരിക്കൻ പ്രസിഡണ്ട് ഡോണൾഡ് ട്രംപ് ആവശ്യപ്പെട്ടിരുന്നു. ഇതിന് പിന്നാലെയാണ് നാറ്റോ അംഗരാജ്യങ്ങൾ നിലപാട് വ്യക്തമാക്കി മുന്നോട്ട് വന്നത്. ഇത് ട്രംപിന് കനത്ത തിരിച്ചടിയായി. നാറ്റോ അംഗരാജ്യങ്ങളെ ഇറാനെതിരായ പോരാട്ടത്തിൽ ഉൾപ്പെടുത്താനിരുന്ന ട്രംപിൻ്റെ നീക്കം. യുദ്ധത്തിൽ ഭാഗമാകില്ലെന്ന് യുകെ പ്രധാനമന്ത്രി കെയ്ർ സ്റ്റാർമർ വ്യക്തമാക്കി. കെയ്ർ സ്റ്റാർമറിൻ്റെ നിലപാടിൽ ട്രംപ് വിയോജിപ്പ് രേഖപ്പെടുത്തി. ഹോര്മുസിലേക്ക് സൈന്യത്തെ അയക്കില്ലെന്ന്
സസ്പെൻഷനിലായ 8 പ്രതിപക്ഷ എം.പിമാരെ ഇന്ന് തിരിച്ചെടുത്തേക്കും
സസ്പെൻഷനിലായ 8 പ്രതിപക്ഷ എം.പിമാരെ ഇന്ന് തിരിച്ചെടുത്തേക്കും. ലോക്സഭാ സ്പീക്കർ ഓം ബിർള ഇന്നലെ വിളിച്ചുചേർത്ത സർവകക്ഷി യോഗത്തിലാണ് ഹൈബി ഈഡൻ, ഡീൻ കുര്യാക്കോസ് അടക്കമുള്ളവരെ തിരിച്ചെടുക്കാൻ ധാരണയായത്. ഇന്ന് ചോദ്യോത്തരവേള കഴിഞ്ഞയുടൻ ഇതിനായുള്ല പ്രമേയം ലോക്സഭ പരിഗണിക്കും. ബഡ്ജറ്റ് സമ്മേളനത്തിൻ്റെ ആദ്യപാദത്തിലാണ് സഭയിൽ പ്രതിഷേധിച്ചതിന് 8 എം.പിമാരെ സസ്പെൻഡ് ചെയ്തത്. പേപ്പർ ചുരുട്ടി എറിയില്ല, നടുത്തളത്തിൽ ഇറങ്ങി പ്രതിഷേധിക്കില്ല, ഉദ്യോഗസ്ഥരുടെ കസേരകളിൽ കയറില്ല, സഭയിൽ ബാനറുകളും പ്ലക്കാർഡുകളും ഉയർത്തില്ല
ബെംഗളുരു നഗരത്തിലെ ഹോസ്റ്റലിൽ മലയാളി യുവതിയോട് അതിക്രമം കാട്ടിയ ഡൽഹി സ്വദേശി അറസ്റ്റിൽ
കോട്ടയം സ്വദേശിയായ യുവതിയോട് അതിക്രമം കാട്ടിയ ഡൽഹി സ്വദേശി മനു ശർമ (39)യെ അറസ്റ്റ് ചെയ്തു. ബെംഗളുരു നഗരത്തിലെ യൂത്ത് ഹോസ്റ്റലിൽ ആണ് സംഭവം. 28 വയസ്സുകാരിയുടെ പരാതിയിൽ ഇതേ ഹോസ്റ്റലിൽ താമസിക്കുന്ന യുവാവിനെയാണ് പോലീസ് അറസ്റ്റ് ചെയ്തത്. പ്രണയാഭ്യർഥന നിരസിച്ചതിൻ്റെ പേരിൽ കഴിഞ്ഞ കുറച്ചു ദിവസമായി മനു യുവതിയെ ശല്യം ചെയ്യുകയും അസഭ്യം പറയുകയുമായും ചെയ്തിരുന്നു. ഹോസ്റ്റലിലെ ഗെയിംസ് മുറിയിൽ കഴിഞ്ഞ ദിവസം സ്നൂക്കർ സ്റ്റിക്കുകളും ബോളുകളും യുവതിക്കു
എയർഗണ്ണിൽ നിന്ന് അബദ്ധത്തിൽ വെടിയേറ്റ് 19 വയസ്സുകാരന് ദാരുണാന്ത്യം
ഉത്തര കന്നഡയിലെ ഹദഗേരിയിൽ അബദ്ധത്തിൽ വെടിയേറ്റ് 19 വയസ്സുകാരന് ദാരുണാന്ത്യം. ഹദഗേരി സ്വദേശി സുബ്രഹ്മണ്യ മഞ്ജുനാഥ് ആണ് മരിച്ചത്. സ്ഥലത്തെ എസ്റ്റേറ്റ് ഉടമ കുരങ്ങിനു നേരെ വെടിയുതിർത്തപ്പോൾ അബദ്ധത്തിൽ സുബഹ്മണ്യയുടെ നെഞ്ചിൽ വെടി ഏൽക്കുകയായിരുന്നു. പൊലീസ് കേസടുത്തു അന്വേഷണം ആരംഭിച്ചു.
നമ്മ മെട്രോ പിങ്ക് ലൈനിലേക്കുള്ള നാലാമത്തെ ട്രെയിനും എത്തി; മേയ് അവസാനത്തോടെ തുറക്കാൻ പദ്ധതി
നമ്മ മെട്രോ പിങ്ക് ലൈനിലേക്കുള്ള (കലേന അഗ്രഹാര – നാഗവാര) നാലാമത്തെ ട്രെയിൻ കഴിഞ്ഞ ദിവസം എത്തി. ഭാരത് എർത്ത് മുവേഴ്സ് ലിമിറ്റഡ് (ബിഇഎംഎൽ) നിർമിച്ച ട്രെയിനാണ് കൊത്തന്നൂരിലെ ഡിപ്പോയിൽ എത്തിച്ചത്. നാലാമത്തെ ട്രെയിൻകൂടി എത്തിയതോടെ കലേന അഗ്രഹാര മുതൽ തവരക്കെരെ വരെയുള്ള 7.5 കിലോമീറ്റർ എലിവേറ്റഡ് പാത മേയ് അവസാനത്തോടെ തുറക്കാൻ ബാംഗ്ലൂർ മെട്രോ റെയിൽ കോർപറേഷൻ (ബിഎംആർസി) പദ്ധതിയിടുന്നു. ട്രെയിൻ ഉടൻ തന്നെ സാങ്കേതിക പരിശോധനകൾക്കും പരീക്ഷണ