SSLC ഫലം പ്രഖ്യാപിച്ചു; 61449 പേര്‍ക്ക് ഫുള്‍ എ പ്ലസ്; വിജയം കൂടുതൽ കണ്ണൂരിൽ
SSLC ഫലം പ്രഖ്യാപിച്ചു. വാർത്തസമ്മേളനത്തിൽ വിദ്യാഭ്യാസ മന്ത്രി വി ശിവൻകുട്ടി ഫലം പ്രഖ്യാപിക്കുകയായിരുന്നു. 4,27,020 വിദ്യാർഥികൾ എസ്എസ്എൽസി റെഗുലർ വിഭാഗത്തിൽ പരീക്ഷയെഴുതി. ഇതിൽ 424583 വിദ്യാർഥികളാണ് ഉപരിപഠനത്തിന് യോഗ്യത നേടിയത്. 99.5 ആണ് ഇത്തവണത്തെ എസ്എസ്എൽസി വിജയ ശതമാനം. കഴിഞ്ഞ വർഷം 99.69 ശതമാനമായിരുന്നു. 61449 പേർക്കാണ് മുഴുവൻ വിഷയങ്ങൾക്കും എ പ്ലസ് ലഭിച്ചത്. ടി.എച്ച്.എസ്.എൽ.സി., എ.എച്ച്.എസ്.എൽ.സി. ഫലങ്ങളും പ്രഖ്യാപിച്ചു. വിജയം കൂടുതൽ കണ്ണൂരിൽ (99.87 ശതമാനം). കുറവ് തിരുവനന്തപുരത്ത്
പാക് ആക്രമണത്തിൽ ആന്ധ്ര സ്വദേശിയായ സെെനികന് വീരമൃത്യു
കശ്മീരിൽ പാക് ആക്രമണത്തിൽ സൈനികന് വീരമൃത്യു. ആന്ധ്ര സ്വദേശിയായ മുരളി നായിക്(27) ആണ് പാക് വെടിവെപ്പിൽ വീരമൃത്യു വരിച്ചത്. വ്യാഴാഴ്ച രാത്രി നിയന്ത്രണരേഖയ്ക്കടുത്ത് ഉണ്ടായ വെടിവയ്പിൽ മുരളിക്ക് സാരമായി പരിക്കേറ്റിരുന്നു. ചികിൽസയ്ക്കായി ഡൽഹിയിലേക്ക് എയർലിഫ്റ്റ് ചെയ്യാനുള്ള നടപടികൾ പുരോഗമിക്കവേയായിരുന്നു അന്ത്യം. ആന്ധ്രയിലെ സത്യസായ് ജില്ലയിലെ ഗൊരാണ്ട്ലയാണ് മുരളി നായിക്കിൻ്റെ സ്വദേശം. കർഷക കുടുംബത്തിലെ അംഗമാണ് മുരളി നായിക്. ഓപ്പറേഷൻ സിന്ദൂറിന് പിന്നാലെ നിയന്ത്രണരേഖയിലെ വെടിനിർത്തൽ ലംഘിച്ച് പാക് സൈന്യം വെടിവയ്പ്പ്
അഹമ്മദാബാദ് – കൊൽക്കത്ത എക്സ്പ്രസ് ട്രെയിനിലെ ശുചിമുറിയിൽ നിന്ന് യുവാവിൻ്റെ മൃതദേഹം കണ്ടെത്തി
അഹമ്മദാബാദ് – കൊൽക്കത്ത എക്സ്പ്രസ്ട്രെ ട്രെയിനിലെ ശുചിമുറിയിൽ നിന്നും യുവാവിന്റെ മൃതദേഹം കണ്ടെത്തി. മദ്ധ്യപ്രദേശിലെ സാഗർ റെയിൽവേ സ്റ്റേഷനിൽ എത്തുന്നതിന് തൊട്ടുമുമ്പാണ് ട്രെയിനിലെ ഒരു യാത്രക്കാരൻ ശുചിമുറിയിൽ മൃതദേഹം കണ്ടെത്തിയത്. പിന്നീട് ട്രെയിൻ സ്റ്റേഷനിൽ പിടിച്ചിട്ടു. ട്രെയിനിൻ്റെ പിൻഭാഗത്തുള്ള ജനറൽ കോച്ചിലെ ശുചിമുറിയിലായിരുന്നു മൃതദേഹം കണ്ടെത്തിയത്. ബിന ജംഗ്ഷൻ പിന്നിട്ട് ട്രെയിൻ സാഗറിൽ എത്തുന്നതിന് തൊട്ടുമുമ്പ് ഒരു യാത്രക്കാരൻ ശുചിമുറിയിൽ കയറാൻ ശ്രമിച്ചപ്പോൾ അകത്ത് യുവാവിൻ്റെ മൃതദേഹം കാണുകയായിരുന്നു. ഉടൻ
ഇന്ത്യ – പാക് സംഘര്‍ഷം; ഐപിഎല്‍ മത്സരങ്ങള്‍ നിര്‍ത്തിവെച്ചു
ഇന്ത്യ – പാകിസ്താൻ സംഘർഷത്തിൻ്റെ പശ്ചാത്തലത്തിൽ അനിശ്ചിതകാലത്തേയ്ക്ക് ഐപിഎൽ മത്സരങ്ങൾ നിർത്തിവെച്ചു. ബിസിസിഐ വൃത്തങ്ങളെ ഉദ്ധരിച്ച് വാർത്താ ഏജൻസിയായ പിടിഐ ആണ് ഇക്കാര്യം റിപ്പോർട്ട് ചെയ്‌തിരിക്കുന്നത്. എന്നാൽ, ബിസിസിഐയോ ഐപിഎൽ ഭരണസമിതിയോ ഇക്കാര്യത്തിൽ ഔദ്യോഗികമായി ഇതുവരെ പ്രതികരിച്ചിട്ടില്ല. അതിർത്തിയിൽ സംഘർഷം തുടരുന്ന സാഹചര്യത്തിൽ ടൂർണമെൻ്റിൻ്റെ ഭാവി സംബന്ധിച്ച തീരുമാനം വെള്ളിയാഴ്‌ച ഉണ്ടായേക്കുമെന്ന് റിപ്പോർട്ടുകളുണ്ടായിരുന്നു. സുരക്ഷാ കാരണങ്ങളാലാണ് തീരുമാനമെന്നാണ് റിപ്പോർട്ട്. ഇരു രാജ്യങ്ങളും തമ്മിലുള്ള സംഘർഷത്തിൻ്റെ പശ്ചാത്തലത്തിൽ വ്യാഴാഴ്ച ധരംശാലയിൽ നടന്ന
സ്വര്‍ണ്ണവിലയില്‍ നേരിയ വര്‍ദ്ധന
സ്വര്‍ണ്ണവിലയില്‍ നേരിയ വര്‍ദ്ധന. സ്വർണ്ണവില ഗ്രാമിന് 30 രൂപയും പവന് 240 രൂപയും വർദ്ധിച്ചു. ഇതോടെ ഒരു ഗ്രാം സ്വർണ്ണത്തിന് 9015 രൂപയായി. ഒരു പവൻ സ്വർണ്ണത്തിൻ്റെ വില 72120 രൂപയാണ്. ഇന്നലെ രണ്ടുതവണയാണ് സ്വർണ്ണവിലയിൽ മാറ്റമുണ്ടായത്. രാവിലെ ഗ്രാമിന് 55 രൂപ വർദ്ധിച്ച് 9130 രൂപയും പവന് 440 രൂപ വർദ്ധിച്ച് 73,040 രൂപയുമായാണ് നിശ്ചയിച്ചത്. ഈ മാസത്തെ ഏറ്റവും ഉയർന്ന വിലയായിരുന്നു ഇത്, പിന്നാലെ, ഉച്ചക്ക് ഗ്രാമിന്
മലപ്പുറത്ത് നിപ സ്ഥിരീകരിച്ച 42കാരി ഗുരുതരാവസ്ഥയില്‍; രോഗ ലക്ഷണം 6 പേര്‍ക്ക്
മലപ്പുറം വളാഞ്ചേരിയില്‍ നിപ സ്ഥിരീകരിച്ച 42കാരി പെരിന്തല്‍മണ്ണയിലെ സ്വകാര്യ ആശുപത്രിയില്‍ വെൻ്റിലേറ്ററിൽ. മോണോക്‌ളോണല്‍ ആൻ്റി ബോഡി രോഗിക്ക് നല്‍കിയെന്ന് ആരോഗ്യമന്ത്രി വീണാ ജോര്‍ജ് അറിയിച്ചു. സമ്പര്‍ക്കപ്പട്ടികയിലുള്ളത് 49 പേരാണ്. ഇതില്‍ 45 പേര്‍ ഹൈ റിസ്‌ക് കോണ്‍ടാക്ടിലുള്ളവരാണെന്നും മന്ത്രി പറഞ്ഞു. ആകെ 6 പേര്‍ക്ക് ആണ് രോഗലക്ഷണമുള്ളത്. ഇതില്‍ 5 പേരെ മഞ്ചേരി മെഡിക്കല്‍ കോളജില്‍ പ്രവേശിപ്പിച്ചു. എറണാകുളത്ത് ഒരാള്‍ ചികില്‍സയിലാണ്. ഉറവിടത്തെ കുറിച്ച് അന്വേഷണം ആരംഭിച്ചെന്നും രോഗം സ്ഥിരീകരിച്ച
ഇന്ത്യ-പാക് സംഘര്‍ഷം: പിഎസ്എല്ലിൽ ശേഷിക്കുന്ന മത്സരങ്ങൾ യുഎഇയിലേക്ക് മാറ്റി
പാകിസ്താൻ സൂപ്പർ ലീഗിലെ (പിഎസ്എൽ) ശേഷിക്കുന്ന മത്സരങ്ങൾ ഇന്ത്യ-പാകിസ്താൻ സംഘർഷത്തിൻ്റെ പശ്ചാത്തലത്തിൽ യുഎഇയിലേക്ക് മാറ്റി. വിവിധ ഫ്രാഞ്ചൈസികളുടെ ഭാഗമായുള്ള വിദേശ താരങ്ങളുടെ ആശങ്ക കണക്കിലെടുത്താണ് തീരുമാനമെന്ന് പാകിസ്താൻ ക്രിക്കറ്റ് ബോർഡ് (പിസിബി) അറിയിച്ചു. ഡ്രോൺ ആക്രമണത്തിൽ റാവൽപിണ്ടിയിലെ ക്രിക്കറ്റ് സ്റ്റേഡിയം തകർന്നതായി റിപ്പോർട്ടുകളുണ്ടായിരുന്നു. പിഎസ്എലിലെ പെഷവാർ സൽമി കറാച്ചി കിങ്സ് മത്സരം ആരംഭിക്കുന്നതിനു മണിക്കൂറുകൾക്കു മുമ്പായിരുന്നു സംഭവം. ആക്രമണത്തിൽ സ്റ്റേഡിയം തകർന്നതായി പിസിബി ചെയർമാൻ മുഹ്സിൻ നഖ്‌വി പറഞ്ഞിരുന്നു. ഇതും
ആലപ്പുഴയിൽ പേവിഷബാധയേറ്റ് ചികിത്സയിലിരുന്ന പത്താം ക്ലാസ് വിദ്യാര്‍ത്ഥി മരിച്ചു
ആലപ്പുഴയിൽ നായയുടെ കടിയേറ്റ് ചികിത്സയിലിരുന്ന പത്താം ക്ലാസ് വിദ്യാര്‍ത്ഥി മരിച്ചു. കരുമാടി സ്വദേശി സൂരജ് ആണ് പേവിഷബാധയേറ്റ് മരിച്ചത്. സൂരജിന് ഒന്നരമാസം മുന്‍പായിരുന്നു നായയുടെ കടിയേറ്റത്. ബന്ധുവിൻ്റെ വീട്ടിലെ വളര്‍ത്തു നായയാണ് വിദ്യാര്‍ഥിയെ കടിച്ചത്. ആലപ്പുഴ വണ്ടാനം മെഡിക്കല്‍ കോളജില്‍ ചികിത്സയില്‍ കഴിയവെയായിരുന്നു മരണം.
ഇന്ത്യ-പാക് സംഘർഷം തങ്ങളുടെ വിഷയമല്ല; യുഎസ് വൈസ് പ്രസിഡൻ്റ് ജെ.ഡി. വാൻസ്
പഹൽഗാം ആക്രമണത്തിന് പിന്നാലെയുള്ള ഇന്ത്യ-പാക് തമ്മിലുള്ള സംഘർഷം തങ്ങളുടെ വിഷയമല്ലെന്ന് യുഎസ് വൈസ് പ്രസിഡൻ്റ് ജെ.ഡി. വാൻസ്. എന്നിരുന്നാലും പ്രസിഡൻ്റ് ഡോണൾഡ് ട്രംപും താനും സംഘർഷം ലഘൂകരിക്കാൻ ശ്രമിക്കുന്നുണ്ടെന്നും അദ്ദേഹം വ്യക്തമാക്കി. ഫോക്‌സ് ന്യൂസിന് നല്‍കിയ അഭിമുഖത്തിലായിരുന്നു അദ്ദേഹത്തിൻ്റെ പ്രതികരണം. സംഘർഷം കുറയ്ക്കാൻ ശ്രമിക്കുക എന്നതാണ് നമുക്ക് ചെയ്യാൻ കഴിയുന്നത്. ഞങ്ങൾ ഈ സംഘർഷത്തിൽ ഇടപെടാൻ പോകുന്നില്ല. പാക്കിസ്ഥാനുകളോടും ഇന്ത്യക്കാരോടും ആയുധം താഴെയിടാൻ പറയാൻ അമേരിക്കയ്ക്ക് സാധിക്കില്ല. നയതന്ത്ര മാർഗങ്ങളിലുലൂടെ
അട്ടപ്പാടിയിൽ ആൾക്കൂട്ടം ജീവനെടുത്ത മധുവിൻ്റെ അമ്മ മല്ലിക്ക് 3.45 ഹെക്ടർ ഭൂമി പതിച്ചു കിട്ടി
പാലക്കാട് അട്ടപ്പാടിയിൽ ആൾക്കൂട്ടം ജീവനെടുത്ത മകൻ മധുവിൻ്റെ ഓർമ്മകളുള്ള മണ്ണിൻ്റെ കൈവശാവകാശരേഖ ആദ്യമായി കൈയിൽ കിട്ടിയതിലുള്ള സന്തോഷത്തിളക്കം. വനം വകുപ്പിൻ്റെ കൈവശമുള്ള പുതൂർ കടുകുമണ്ണയിലെ 3.45 ഹെക്ടർ ഭൂമിയാണ് പതിറ്റാണ്ടുകൾക്കുശേഷം മല്ലിക്ക് സ്വന്തം പേരിൽ പതിച്ചുകിട്ടിയത്. സർക്കാരിൻ്റെ പാലക്കാട്ട് നടന്ന പട്ടയമേളയിൽ മന്ത്രി കെ. രാജൻ്റെ കൈയിൽ നിന്ന് രേഖ ഏറ്റുവാങ്ങി. ‘‘ഞങ്ങൾ ജനിച്ചുവീണ മണ്ണാണത്. കാട്ടിനുള്ളിലാണ്. അപ്പനപ്പൂപ്പന്മാരും ജനിച്ചതും വളർന്നതുമെല്ലാം അവിടെത്തന്നെ. മധു ജനിച്ചത് ചിണ്ടക്കിയിലാണെങ്കിലും അച്ഛൻ മരിച്ചതോടെ