വേടന്‍റെ പാട്ട് പാഠ്യവിഷയത്തിലുള്‍പ്പെടുത്തി കാലിക്കറ്റ് സര്‍വകലാശാല

കാലിക്കറ്റ് സര്‍വകലാശാല വേടന്‍റെ പാട്ട് പാഠ്യവിഷയത്തിലുള്‍പ്പെടുത്തി. ‘ഭൂമി ഞാന്‍ വാഴുന്നിടം’ എന്ന പാട്ട് ബിഎ മലയാളം നാലാം സെമസ്റ്റര്‍ പാഠപുസ്തകത്തിലാണ് ഉള്‍പ്പെടുത്തിയത്. വേടൻ്റെ ഭൂമി ഞാൻ വാഴുന്നിടം എന്ന പാട്ടും മൈക്കിൾ ജാക്സൻ്റെ ‘ദേ ഡോണ്ട് കെയർ എബൗട്ട് അസ്’ (They Dont Care About Us) എന്ന പാട്ടും തമ്മിലുള്ള താരതമ്യ പഠനമാണ് ഈ പാഠത്തിലുള്ളത്. മലയാള റാപ്പ് സംഗീതവും അമേരിക്കൻ റാപ്പ് സംഗീതവും തമ്മിലുള്ള പഠനമാണ് പാഠത്തിൻ്റെ അടിസ്ഥാന ലക്ഷ്യം. മൈക്കിൾ ജാക്‌സൻ്റെ തൊണ്ണൂറുകളിൽ ഇറങ്ങിയ ഹിറ്റ് പാട്ടാണ് ‘ദേ ഡോണ്ട് കെയർ എബൗട്ട് അസ്’. ഈ പാട്ട് ജൂത വിരുദ്ധ ആരോപണങ്ങളെ എതിർത്തുകൊണ്ടുള്ളതാണ് . യുദ്ധം കൊണ്ടുണ്ടാവുന്ന പ്രശ്‌നവും പലായനവുമാണ് വേടൻ്റെ പാട്ടിന്‍റെ വിഷയം. രണ്ട് വീഡിയോ ലിങ്കുകളായിട്ടാണ് ഇവ പാഠ്യപദ്ധതിയിൽ ഉൾപ്പെടുത്തിയിട്ടുള്ളത്.