സ്വാമി വിവേകാനന്ദ കൾച്ചറൽ യൂത്ത് സെന്റർ (വിവേക സ്മാരക) ഓഗസ്റ്റ് 1ന് പ്രധാനമന്ത്രി നരേന്ദ്ര മോദി ഉദ്ഘാടനം ചെയ്യും. മൈസൂരിലെ എൻ.എസ്. റോഡിലുള്ള സ്മാരകത്തിൽ ഉച്ചയ്ക്ക് 3.30ന് നടക്കുന്ന ചടങ്ങിൽ മുഖ്യമന്ത്രി ഡി.കെ.ശിവകുമാർ, രാമകൃഷ്ണ മഠം, മിഷൻ പ്രസിഡണ്ട് സ്വാമി ഗൗതമാനന്ദ മഹാരാജ് തുടങ്ങിയവർ പങ്കെടുക്കും. 1892ൽ സ്വാമി വിവേകാനന്ദൻ ആദ്യമായി മൈസൂരിലെത്തിയപ്പോൾ താമസിച്ച സ്ഥലത്താണ് ഈ യൂത്ത് സെന്റർ നിർമിച്ചിരിക്കുന്നത്. സ്വാമി വിവേകാനന്ദൻ്റെ ജീവിതവും സന്ദേശങ്ങളും യുവതലമുറയ്ക്ക് പരിചയപ്പെടുത്തുന്ന സാംസ്കാരിക കേന്ദ്രമായാണ് ഇത് രൂപകൽപന ചെയ്തിരിക്കുന്നത്.
ഉദ്ഘാടനച്ചടങ്ങിന് ശേഷം യാദവഗിരിയിലെ ശ്രീരാമകൃഷ്ണ ആശ്രമം സന്ദർശിക്കുന്ന പ്രധാനമന്ത്രി വൈകിട്ട് 4.25ന് വിദ്യശാല സ്റ്റേഡിയത്തിൽ നടക്കുന്ന പൊതുസമ്മേളനത്തിലും പങ്കെടുക്കും.
