ആലപ്പുഴയിൽ നിർമ്മാണത്തിലിരുന്ന ദേശീയപാത മേൽപ്പാലത്തിലെ കൂറ്റൻ ഗർഡർ തകർന്നു വീണു; ഒഴിവായത് വൻ ദുരന്തം
ആലപ്പുഴയിൽ ബീച്ചിൽ വിജയ പാർക്കിൻ്റെ വടക്കുവശം നിർമ്മാണത്തിലിരുന്ന ദേശീയപാത മേൽപ്പാലത്തിലെ ഗർഡറുകൾ തകർന്നുവീണു. എലിവേറ്റഡ് ഹൈവേയുടെ ഭാഗമായ മേൽപ്പാലത്തിൻ്റെ കൂറ്റൻ ഗർഡറാണ് ഇന്നു രാവിലെ 11മണിയോടെ തകർന്നു വീണത്. ആർക്കും പരിക്കേറ്റിട്ടില്ലെന്നാണ് പ്രാഥമിക റിപ്പോർട്ട്. പുതിയ ബൈപ്പാസ്‌ പാലത്തിൻ്റെ നാല്‌ ഗർഡറുകളാണ്‌ പൊളിഞ്ഞുവീണത്‌. പോലീസും ദേശീയപാത അതോറിറ്റി ഉദ്യോഗസ്ഥരും സ്ഥലത്തെത്തി പരിശോധന നടത്തി.
