ഐപിഎല്ലിൻ്റെയും ടെസ്റ്റ് ക്രിക്കറ്റിൻ്റെയും ആവേശത്തിന് ശേഷം ടീം ഇന്ത്യ ഇന്ന് ഏകദിന ക്രിക്കറ്റിലേക്ക് മടങ്ങുന്നു. അഫ്‌ഗാസ്ഥാനെതിരായ മൂന്ന് മത്സര ഏകദിന പരമ്പരയിലെ ആദ്യ മത്സരം ധരംശാലയിൽ ഉച്ചയ്ക്ക് 1.30ന് ആരംഭിക്കും. സ്റ്റാർ സ്പോർട്സ് ചാനലുകളിലും ജിയോ ഹോട്സ്റ്റാറിലും മത്സരം തത്സമയം സംപ്രേഷണം ചെയ്യും.
അടുത്ത വർഷം നടക്കുന്ന ഏകദിന ലോകകപ്പിനുള്ള ഒരുക്കങ്ങളുടെ ഭാഗമായാണ് ഇന്ത്യ ഈ പരമ്പരയെ കാണുന്നത്. സീനിയർ താരം രോഹിത് ശർമയുടെ പ്രകടനം ടീമിന് നിർണായകമാകും. പരുക്കിനെ തുടർന്ന് വിരാട് കോലി പരമ്പരയിൽ നിന്ന് വിട്ടുനിൽക്കുന്നതിനാൽ ആരാധകരുടെ ശ്രദ്ധ രോഹിത്തിലേക്കാണ്.
ശുഭ്മൻ ഗില്ലിൻ്റെ നായകത്വത്തിൽ ഇറങ്ങുന്ന ഇന്ത്യൻ ടീം ശക്തമായ നിരയുമായാണ് കളത്തിലിറങ്ങുന്നത്. മറുവശത്ത്, ഹഷ്മത്തുല്ല ഷാഹിദി നയിക്കുന്ന അഫ്‌ഗാനിസ്ഥാൻ അട്ടിമറി സ്വപ്നങ്ങളുമായാണ് എത്തുന്നത്. റാഷിദ് ഖാനും മുഹമ്മദ് നബിയും അടങ്ങുന്ന താരനിരയിലാണ് അഫ്‌ഗാൻ ടീമിൻ്റെ പ്രധാന പ്രതീക്ഷ. സ്വന്തം മണ്ണിൽ വിജയത്തോടെ പരമ്പരയ്ക്ക് തുടക്കമിടാനാണ് ഇന്ത്യ ലക്ഷ്യമിടുന്നത്. അതേസമയം, കരുത്തരായ എതിരാളികൾക്കെതിരെ മികച്ച പ്രകടനം കാഴ്ചവെച്ച് വെല്ലുവിളി ഉയർത്താനാവുമെന്ന പ്രതീക്ഷയിലാണ് അഫ്‌ഗാസ്ഥാൻ.
