നിയമസഭ തെരഞ്ഞെടുപ്പില് കൊട്ടാരക്കര നിയോജക മണ്ഡലത്തില് എന്എസ്എസ് പിന്തുണ യുഡിഎഫ് സ്ഥാനാര്ത്ഥി അയിഷ പോറ്റിക്കെന്ന് വ്യക്തമാക്കുന്ന ഓഡിയോസന്ദേശം പുറത്ത്. അയിഷാ പോറ്റിക്ക് വോട്ട് നല്കാന് എന്എസ്എസ് താലൂക്ക് യൂണിയന് സെക്രട്ടറി അനില്കുമാര് ആഹ്വാനം ചെയ്തു. ജനറല് സെക്രട്ടറിയുടെ നിര്ദ്ദേശപ്രകാരമാണ് തീരുമാനമെന്നും സെക്രട്ടറിയുടെ ഫോണ് സംഭാഷണത്തില് പറയുന്നു.
വോട്ടെടുപ്പിന് മുന്പുള്ള അനില്കുമാറിൻ്റെ ശബ്ദരേഖയാണ് പുറത്തായത്. കഴിഞ്ഞതവണ കെ എന് ബാലഗോപാലിനെ സഹായിച്ചതായും യൂണിയന് സെക്രട്ടറി പറയുന്നത് ശബ്ദരേഖയിലുണ്ട്. കൊട്ടാരക്കര ഒഴികെയുള്ള മണ്ഡലങ്ങളില് മാത്രമാണ് സമദൂര നിലപാടെന്നും അനില്കുമാര് പറയുന്നുണ്ട്.
