ഇറാന് ഗള്ഫ് രാജ്യങ്ങളില് ആക്രമണം തുടരുന്ന പശ്ചാത്തലത്തില് കൊച്ചി നെടുമ്പാശേരി വിമാനത്താവളത്തില് നിന്നും 39 സര്വീസുകള് റദ്ദാക്കി. ഗള്ഫ് രാജ്യങ്ങളിലേക്കുള്ള 28 സര്വീസുകളും ഗള്ഫില് നിന്നും കൊച്ചിയിലേക്കുള്ള 11 സര്വീസുകളുമാണ് ഇന്ന് റദ്ദാക്കിയിരിക്കുന്നത്.
ദുബായി, അബുദാബി, മസ്കറ്റ്, ജിദ്ദ, ദമാം എന്നീ രാജ്യങ്ങളിലേക്ക് കൊച്ചിയില് നിന്നും 19 സര്വീസുകള് നടക്കുന്നുണ്ട്. ഈ രാജ്യങ്ങളില് നിന്നും 16 സര്വീസുകള് കൊച്ചിയിലേക്കും നടക്കുന്നുണ്ട്. കുവൈറ്റിലേക്കും ബഹ്റിനിലേക്കും നിലവില് കൊച്ചിയില് നിന്നും സര്വീസുകള് നടക്കുന്നില്ല.
ഇറാന് കുവൈറ്റ് വിമാനത്താവളത്തില് ഡ്രോണ് ആക്രമണം നടത്തുകയാണ്. വിമാനത്താവളത്തിലെ റഡാര് സംവിധാനം തകര്ന്നു. എന്നാല് ആര്ക്കും പരിക്കില്ല എന്നാണ് വിമാനത്താവളം അധികൃതര് അറിയിക്കുന്നത്.
