സംസ്ഥാന നേതൃത്വവുമായുള്ള അഭിപ്രായ വ്യത്യാസങ്ങളെ തുടർന്ന് എൻസിപിയിൽ കൂട്ടരാജി. പാർട്ടി നയങ്ങളോട് ദീർഘകാലമായി നിലനിന്നിരുന്ന അഭിപ്രായ വ്യത്യാസങ്ങളാണ് കൂട്ട രാജിക്ക് കാരണമായത്. എൻസിപി വിട്ട ആയിരത്തലധികം പ്രവർത്തകർ കേരള കോൺഗ്രസ് (എം)ൽ ചേരുമെന്ന് മുൻ ജില്ലാ പ്രസിഡണ്ട് ആറ്റുകാൽ അജി അറിയിച്ചു. സംസ്ഥാന നേതാക്കൾ ഉൾപ്പെടെ ആയിരത്തിലധികം പ്രവർത്തകർ രാജി വച്ചതായാണ് പുറത്തുവരുന്ന റിപ്പോർട്ടുകൾ. സംസ്ഥാന സെക്രട്ടറി ബിന്ദു രവീന്ദ്രൻ, സംസ്ഥാന എക്സിക്യൂട്ടീവ് അംഗങ്ങൾ, ജില്ലാ ഭാരവാഹികൾ, ബ്ലോക്ക് പ്രസിഡണ്ടുമാർ, ജില്ലാ എക്സിക്യൂട്ടീവ് കമ്മിറ്റി അംഗങ്ങൾ തുടങ്ങി നിരവധി നേതാക്കളും പ്രവർത്തകരും ആറ്റുകാൽ അജിയുടെ നേതൃത്വത്തിൽ കേരള കോൺഗ്രസ് (എം)ൽ ലയിക്കുമെന്നാണ് വിവരം.
ജോസ് കെ. മാണി നേതൃത്വം നൽകുന്ന കേരള കോൺഗ്രസ് (എം)ൽ ഉപാധികളില്ലാതെ അംഗത്വമെടുത്തു പ്രവർത്തിക്കാനാണ് രാജിവച്ച നേതാക്കളും പ്രവർത്തകരും തീരുമാനിച്ചതെന്നറിയുന്നു.
