എസ്ബി കോളജ് ശതാബ്ദി ആഘോഷ സമാപന സമ്മേളനം ഇന്നു ഉച്ചകഴിഞ്ഞ് 3.30ന് കോളജിലെ കാവുകാട്ട് ഹാളില് നടക്കും. കോളജിന്റെ ശതാബ്ദി ആഘോഷ സമാപനനം ഉപരാഷ്ട്രപതി സി.പി. രാധാകൃഷ്ണന് നിര്വഹിക്കും. ശതാബ്ദി സ്മാരകമായി കോളജില് സ്ഥാപിതമാകുന്ന അത്യാധുനിക സംവിധാനങ്ങളുള്ള ഗവേഷണ കേന്ദ്രമായ ഡോ. കെ.എം.ഏബ്രഹാം സെന്റര് ഫോര് എനര്ജി ആൻഡ് എണ്വയണ്മെന്റിന്റെ ഉദ്ഘാടനവും ഉപരാഷ്ട്രപതി നിർവഹിക്കും.
കേരള ഗവര്ണര് രാജേന്ദ്ര വിശ്വനാഥ് അര്ലേക്കര്, കേന്ദ്രമന്ത്രി സുരേഷ് ഗോപി, മന്ത്രി വി.എന്. വാസവന്, കൊടിക്കുന്നില് സുരേഷ് എംപി, ജോബ് മൈക്കിള് എംഎല്എ, കോളജ് മാനേജര് മോണ്. ആന്റണി എത്തയ്ക്കാട്ട്, പ്രിന്സിപ്പല് ഫാ. ഡോ. ടെഡി കാഞ്ഞൂപ്പറമ്പില് എന്നിവര് വേദിയില് സന്നിഹിതരായിരിക്കും. ആര്ച്ച്ബിഷപ് മാര് തോമസ് തറയില് സ്വാഗതം ആശംസിക്കും.
