സന്തോഷ് ട്രോഫി ഫുട്ബോൾ; പഞ്ചാബിനെ എതിരില്ലാത്ത നാലു ഗോളുകൾക്ക് തോൽപ്പിച്ച് കേരളം ഫൈനലിൽ

സന്തോഷ് ട്രോഫി ഫുട്ബോൾ സെമി ഫൈനലിൽ പഞ്ചാബിനെ എതിരില്ലാത്ത നാലു ഗോളുകൾക്ക് തോൽപ്പിച്ച് കേരളം ഫൈനലിൽ. മുഹമ്മദ് റിയാസ് രണ്ടും വിഘ്നേഷ്, അജ്‌സൽ എന്നിവർ ഓരോ ഗോളും നേടി. ആദ്യ പകുതിയിൽ തന്നെ കേരളം മൂന്ന് ഗോളുകൾക്ക് മുന്നിലായിരുന്നു. ടീം, രണ്ടാം പകുതിയിൽ ഒരുഗോൾകൂടി നേടുകയായിരുന്നു. ഞായറാഴ്‌ച നടക്കുന്ന ഫൈനലിൽ നിലവിലെ ചാമ്പ്യന്മാരായ സർവീസസാണ് കേരളത്തിൻ്റെ എതിരാളികൾ.